कॅम्प भागातून दुचाकी लंपास
मालेगाव : कॅम्पातील शिवम्‌ कॉम्प्लेक्सजवळून अज्ञात चोरट्याने २५ हजार रुपये किमतीची दुचाकी चोरून नेल्याप्रकरणी कॅम्प पोलीस ठाण्यात गुन्हा दाखल करण्यात आला. याप्रकरणी सुनील भालचंद्र कोठावदे यांनी फिर्याद दिली आहे. त्यांच्या मालकीची दुचाकी (क्र. एमएच ४१ एपी १९६७) अज्ञात चोरट्याने चोरून नेली आहे. पुढील तपास पोलीस उपनिरीक्षक एस. बी. मोरे हे करीत आहेत.
दुचाकीच्या धडकेत एक ठार
मालेगाव : मुंबई-आग्रा महामार्गावर पाटणे फाटा येथे दुचाकीने पाठीमागून धडक दिल्याने झालेल्या अपघातात दुचाकीवर पाठीमागे बसलेला रामसिंग हमा बारेला (२२, रा. विरवाडे, ता. चोपडा, जि. जळगाव) हा तरुण ठार झाला आहे. याप्रकरणी हमा समदा बारेला यांनी फिर्याद दिली आहे. दुचाकी (क्र. एमएच ४१ वाय ९०८८) वरील चालक (नाव माहीत नाही) याने पाठीमागून विनाक्रमांकाच्या दुचाकीला धडक दिली. चालक रमेश गणपत बारेला हा जखमी झाला. तर पाठीमागे बसलेला रामसिंग याचा मृत्यू झाला. पुढील तपास हवालदार खैरनार हे करीत आहेत.