कोविड सेंटरमध्ये वायरलेस आरोग्य तपासणी यंत्रणा

कळवणला महिन्याभरात ऑक्सिजन जनरेशन प्लांट कार्यान्वित होणार आमदार नितीन पवार यांची माहिती

कळवण : येथील उपजिल्हा रुग्णालयात कायमस्वरूपी ५० बेडचे ऑक्सिजन कोविड सेंटर मंजूर करण्यात आले असून, त्यात १५ व्हेंटिलेटर बेडचा समावेश आहे. ५०० बेडच्या या कोविड सेंटरमध्ये वायरलेस आरोग्य तपासणी यंत्रणा कार्यान्वित करण्यात आली आहे. नाशिक जिल्ह्यात ही यंत्रणा प्रथमच कळवण उपजिल्हा रुग्णालयातील कोविड सेंटरमध्ये राबविण्यात येत असल्याची माहिती आमदार नितीन पवार यांनी दिली.

उपजिल्हा रुग्णालयातील ५० बेडच्या कोविड सेंटरचे काम युद्धपातळीवर सुरू असून, तात्काळ कामे पूर्ण करून दोन दिवसात सेंटर कार्यन्वित करून रुग्णांना दिलासा देण्याच्या सूचना आमदार पवार यांनी दिल्या. यावेळी सहाय्यक जिल्हाधिकारी विकास मीना, तहसीलदार बी.ए. कापसे आदी उपस्थित होते.

आमदार पवार यांनी सांगितले, कोरोनाच्या पार्श्वभूमीवर निर्माण झालेल्या ऑक्सिजन टंचाईच्या प्रश्नावर मार्ग काढण्यासाठी कळवण उपजिल्हा रुग्णालयांत कायमस्वरूपी ऑक्सिजन प्लांट मंजूर झाला असून, त्याची निविदा काढण्यात आली आहे. महिनाभरात ऑक्सिजन प्लांट कार्यान्वित होणार आहे. सुरगाणा, अभोणा, बाऱ्हे येथील प्लांटही कार्यान्वित करण्यात येणार आहे. यावेळी राष्ट्रवादी काँग्रेसचे तालुकाध्यक्ष राजेंद्र भामरे, वैद्यकीय अधीक्षक डॉ. शरद परदेशी, तालुका आरोग्य अधिकारी डॉ. सुधीर पाटील, डॉ. प्रल्हाद चव्हाण, डॉ. दीपक बहिरम, डॉ. पराग पगार, डॉ. विलास चव्हाण, डॉ. बंगाळ आदी उपस्थित होते.

इन्फो

ऑक्सिजनचा प्रश्न सोडवणार

गोपाळखडी येथील कोविड केअर सेंटरला आमदार पवार, सहाय्यक जिल्हाधिकारी मीना, तहसीलदार कापसे यांनी भेट देऊन पाहणी केली. कोविड सेंटरमध्ये सध्या निर्माण होणाऱ्या ऑक्सिजन सिलिंडरचा प्रश्न सोडविण्यासाठी सहाय्यक जिल्हाधिकारी विकास मीना यांनी स्वतः लक्ष घालून प्रश्न सोडविणार असल्याचे यावेळी सांगितले.

फोटो - ०४ कळवण

कळवण उपजिल्हा रुग्णालयातील कोविड सेंटरची पाहणी करताना आमदार नितीन पवार. समवेत सहाय्यक जिल्हाधिकारी विकास मीना, तहसीलदार बी.ए. कापसे, वैद्यकीय अधीक्षक डॉ. शरद परदेशी, राष्ट्रवादीचे तालुकाध्यक्ष राजेंद्र भामरे आदी.

===Photopath===

040521\04nsk_47_04052021_13.jpg

===Caption===

 फोटो - ०४ कळवण  कळवण उपजिल्हा रुग्णालयातील कोविड सेंटरची पाहणी करतांना आमदार नितीन पवार. समवेत सहाय्यक जिल्हाधिकारी विकास मीना,  तहसीलदार बी. ए. कापसे, वैद्यकीय अधीक्षक डॉ. शरद परदेशी,  राष्ट्रवादीचे तालुकाध्यक्ष राजेंद्र भामरे आदी.