ओझरचे आशिष शिंदे या टोमॅटो उत्पादक युवा शेतकऱ्याच्या कालच्या फेसबुक लाईव्ह तक्रारीनंतर बाजार समितीच्या सभागृहात शेतकरी व अडतदार-व्यापारी प्रतिनिधींच्या समन्वय बैठकीप्रसंगी ते बोलत होते. यावेळी व्यासपीठावर उपसभापती दीपक बोरस्ते, रामभाऊ माळोदे, सुरेश खोडे, सोहनलाल भंडारी, शंकरशेठ ठक्कर, नारायण पोटे, सचिव बाळासाहेब बाजारे आदी उपस्थित होते.
निफाडसह इतर तालुक्यांतील शेतकऱ्यांनी यावेळी आपल्या लूटमारीच्या व्यथा बनकर यांच्यासमोर मांडल्या. बनकर यांनीही, मी सदैव शेतकऱ्यांसोबत असून यापुढे व्यापाऱ्यांच्या तक्रारी आल्यास थेट परवाने रद्द करण्याचे आश्वासन यावेळी शेतकऱ्यांना दिले. टोमॅटो उत्पादक शेतकऱ्यांच्यावतीने, शेतकरी आशिष शिंदे, देवेंद्र काजळे, योगेश कुयटे, प्रवीण जगताप यांनीही शेतकऱ्यांच्या भावना यावेळी मांडत कारवाईची मागणी केली. व्यापाऱ्यांच्यावतीने सोहनलाल भंडारी यांनी भूमिका मांडली. अडत प्रतिनिधी सुभाष होळकर, सुरेश खोडे, सोमनाथ निमसे, नंदू गांगुर्डे, अरुण चव्हानके यांनीही चर्चेत भाग घेतला.
यावेळी बैठकीस टोमॅटो उत्पादक शेतकरी मोठ्या संख्येने उपस्थित होते.