दुचाकीच्या धडकेत पती-पत्नी जखमी

नाशिक : अंबड लिंकरोडवरून दुचाकीवर जात असलेल्या पती-पत्नीस समोरून धरधाव आलेल्या दुचाकीने दिलेल्या धडकेत दोघे जखमी झाल्याची घटना घडली आहे़ या अपघातानंतर दुचाकीचालक फ रार झाला असून, पोलीस त्याचा शोध घेत आहेत़ याबाबत अधिक माहिती अशी की, शुक्रवारी रात्री साडेदहा वाजेच्या सुमारास चुंचाळे शिवारातील जाधव संकुलमध्ये राहणारे बुधाजी माळी हे पत्नीसह दुचाकीने (एमएच १८ क्यू-४६४) अंबड लिंकरोडने जात होते़ यावेळी एक्सलो पॉईंटकडून अंबड लिंकरोडने सातपूरकडे भरधाव येणार्‍या दुचाकीचालकाने (एचएच १५, डीव्ही-२२२४) त्यांच्या दुचाकीला जोरदार धडक दिली़ यामध्ये बुधा माळी यांना किरकोळ, तर त्यांची पत्नी उषा यांच्या डोक्याला गंभीर दुखापत झाली़ या प्रकरणी माळी यांनी दिलेल्या फि र्यादीवरून अंबड पोलिसांनी दुचाकीस्वारावर गुन्हा दाखल आहे़ (प्रतिनिधी)