नाशिक पश्चिम वनविभागाच्या अखत्यारित असलेल्या नाशिक वनपरिक्षेत्रातील चुंचाळे वन कक्ष क्रमांक २२७च्या राखीव वनात डोंगरमाथ्यावर अचानकपणे रात्रीच्या सुमारास कृत्रिम वणवा भडकला होता. या वणव्याची माहिती मिळताच त्वरित नाशिक पश्चिम वनविभागाचे कर्मचारी तसेच अग्निशमन दलाचे जवान आणि ग्रीन रिव्हॅल्युएशन संस्थेच्या काही स्वयंसेवकांनी धाव घेतली. डोंगर माथ्यावर आगीच्या ज्वाळा भडकत असून, वाळलेले गवत मोठ्या वेगाने जळत असल्याचे लक्षात आले. यावेळी रात्रीच्या किर्रर्र अंधारात वनसंपदा वाचविण्यासाठी जवानांसह वनकर्मचाऱ्यांनी डोंगर चढण्यास सुरुवात केली. बॅटरीच्या प्रकाशात डोंगर चढत आजूबाजूच्या झाडांच्या काही फांद्या तोडत त्याची झोडपणी तयार करून पारंपरिक पद्धतीने आग विझविण्यास सुरुवात केली. सुमारे पंधरा ते वीस लोकांनी झोडपणी करत पेटलेले गवत विझविण्यास सुरुवात केली. डोंगरमाथ्यावर आग भडकलेली असल्याने अग्निशमन दलाच्या जवानांना पाण्याचा मारा करणेही अशक्य होते. यामुळे जवानांनी फावडे, टिकाव आदी साहित्याच्या मदतीने गवत काढण्यास सुरुवात केली. वनकर्मचाऱ्यांनी चरप्रमाणे खोदकाम करत आग डोंगराच्या पायथ्याला असलेल्या रोपवनापर्यंत पोहोचणार नाही, याची खबरदारी घेतली. सुमारे दोन तास शर्थीचे प्रयत्न केल्यानंतर भडकलेली आग अखेर विझविण्यात यश आले.
---इन्फो--
रोपवन सुरक्षित असल्याचा दावा
येथील टेकडीभोवती असलेल्या रोपवनात सुमारे दहा हजार रोपांची लागवड काही वर्षांपूर्वी करण्यात आली आहे. ग्रीन रिव्हॅल्युएशन या स्वयंसेवी संस्थेकडून रोपांची देखभाल केली जात आहे. रोपांची दमदार वाढ झाली असून, या रोपवनाला आगीमुळे मोठा धोका निर्माण झाला होता. मात्र, वेळीच वनविभाग व मनपाच्या अग्निशमन दलाच्या जवानांसह स्वयंसेवकांनी घेतलेल्या संयुक्त परिश्रमामुळे रोपवनाला आगीची झळ बसली नाही. रोपवन सुरक्षित असल्याचा दावा वनविभागाने केला आहे.
----
फोटो आर वर ०६फायर/१/२/३ नावाने सेव्ह आहे.
===Photopath===
060221\06nsk_24_06022021_13.jpg~060221\06nsk_25_06022021_13.jpg
===Caption===
चुंचाळे येथील डोंगराच्या सभोवताली असलेल्या रोपवनाजवळ रात्रीच्यावेळी असा वणवा पेटला होता~चुंचाळे येथील डोंगराच्या सभोवताली असलेल्या रोपवनाजवळ रात्रीच्यावेळी असा वणवा पेटला होता