सिन्नर : सिन्नरकडून संगमनेरच्या दिशेने भरधाव वेगाने जाणारी दुचाकी झाडावर आदळून झालेल्या अपघात माळेगाव औद्योगिक वसाहतीतील दोघा युवकांचा मृत्यू झाल्याची घटना रात्री नऊ वाजेच्या सुमारास घडली. याप्रकरणी एमआयडीसी पोलीस ठाण्यात अपघाताची नोंद करण्यात आली आहे. माळेगाव औद्योगिक वसाहतीत जिंदाल कॉलनीत राहणारे अजयकुमार अमरचंद इंदोरा (३२) व सुनील शिवचरण सूर्यवंशी (२२) हे दोघे युवक रात्री नऊ वाजेच्या सुमारास सिन्नरकडून संगमनेरच्या दिशेने जात होते. त्यांची होंडा शाईन दुचाकी(एम.एच. १५ एफ.झेड. ४४७४) ही गुरेवाडी फाट्याजवळ सोनवणे पेट्रोल पंपासमोर चिंचेच्या झाडावर जाऊन आदळली. या अपघात दोघा युवकांच्या हात-पायाला व डोक्याला गंभीर मार लागला. त्यांना रुग्णालयात आणल्यानंतर डॉक्टरांनी मृत घोषित केले. याप्रकरणी दुचाकी चालक मृत अजयकुमार इंदोरा याच्याविरोधात रस्त्याच्या परिस्थितीकडे दुर्लक्ष करून चालणे, भरधाव वाहन चालवणे व स्वत:च्या आणि सोबत असलेल्या व्यक्तीच्या मृत्यूस कारणीभूत झाल्याप्रकरणी गुन्हा दाखल करण्यात आला आहे. सहाय्यक पोलीस निरीक्षक पवार यांच्या मार्गदर्शनाखाली हवालदार टी.एस. चौधरी अधिक तपास करीत आहेत.
फोटो ओळी- सिन्नर-संगमनेर रस्त्याजवळ गुरेवाडी फाट्यानजीक झालेल्या अपघातातील दुचाकी. (१५ सिन्नर ॲक्सिडेंट)
150921\15nsk_32_15092021_13.jpg
१५ सिन्नर ॲक्सीडेंट