दुचाकी चोरणारा चोरटा जेरबंद

नांदूरशिंगोटे येथील अर्जुन नारायण शेळके यांच्या दुचाकीचे (एमएच १२ डीके ६८९४) पहाटे पाचच्या सुमारास लॉक तोडून चोरण्याचा प्रयत्न केला. दुचाकीसह तिघे जण पोबारा करत असताना शेळके व त्यांच्या मित्रांनी तिघा चोरट्यांना पकडण्याचा प्रयत्न केला. यावेळी चोरट्यांनी चाकूचा धाक दाखवून पोबारा केला. मात्र, हाकेच्या अंतरावर असतानाच चोरटे रस्त्याच्या कडेला दुचाकीसह घसरून पडले. शेळके व त्यांच्या मित्रांनी लगेचच त्यांच्या जवळ जाऊन कैलास सुरेश अहिरे (२०, रा. राहाता, जि. अहमदनगर) यास पकडून ठेवले. संशयित नितीन माळी व प्रदीप (पूर्ण नाव माहीत नाही) पळून जाण्यात यशस्वी झाले. शेळके यांनी घटनेची माहिती सहायक पोलीस उपनिरीक्षक विकास काळे यांना दिली व पकडलेल्या चोरट्याला पोलिसांच्या ताब्यात देण्यात आले. याबाबत पोलिसांनी त्याच्याविरोधात गुन्हा दाखल केला आहे.