-----------------------
लग्नात नाचण्यावरून एकाला मारहाण
मालेगावी : तालुक्यातील जाटपाडे येथे लग्नाच्या मांडवात नाचण्याची कुरापत काढून एकाला गंभीर मारहाण करणाऱ्या चार जणांविरुद्ध तालुका पोलीस ठाण्यात गुन्हा दाखल करण्यात आला. या प्रकरणी संदीप निवृत्ती बाविस्कर यांनी फिर्याद दिली आहे. त्यांचा मुलगा परेश मांडवात नाचत असताना कुरापत काढून मयूर पापालाल चोपडा, पापालाल बाबूलाल चोपडा, प्रमोद ताराचंद तेजा, दिनेश ताराचंद तेजा यांनी गंभीर स्वरूपात मारहाण केल्याचे फिर्यादीत म्हटले आहे. तपास हवालदार गायकवाड करीत आहेत.
--------------
मालेगावातून रिक्षाची चोरी
मालेगाव: शहरातील सलीम मुन्शी नगर भागातून अज्ञात चोरट्याने १५ हजार रुपये किमतीची रिक्षा चोरून नेली. याप्रकरणी शेख साबीर गुलाम रसूल यांनी आझाद नगर पोलीस ठाण्यात फिर्याद दिली आहे. त्यांच्या मालकीची एम एच४१ बी १२०७ ही रिक्षा अज्ञात चोरट्यांनी चोरून नेली. पुढील तपास हवालदार आसिफ शेख करीत आहेत.