जवानांना पाठविणार दोन हजार ‘धन्यवाद’ पत्र

जवानांना पाठविणार दोन हजार ‘धन्यवाद’ पत्र

इंदिरानगर : पठाणकोट येथे झालेल्या दहशतवादी हल्ल्यात सहभागी जवान आणि देशाच्या सीमांवर तैनात असलेल्या जवानांना प्रोत्साहन देण्यासाठी आणि त्यांचे आभार मानण्यासाठी पार्क साईडच्या वतीने सुमारे दोन हजार सह्यांचे धन्यवाद पत्र जवानांना पाठविण्याचा निर्णय घेण्यात आला. यासाठी एक कार्ड बनविण्याची स्पर्धा घेण्यात आली. धन्यवाद कार्ड बनविण्याची स्पर्धा पार्क साईडच्या वतीने घेण्यात आली. या स्पर्धेत बालगोपाळांसह ज्येष्ठ नागरिकांनीदेखील सहभाग नोंदविला. या स्पर्धेत स्वामी विवेकानंद माध्यमिक विद्यालय, डे-केअर सेंटर शाळा, जाजू माध्यमिक विद्यालय यांसह सुमारे हजार विद्यार्थ्यांनी सहभागी नोंदविला. या स्पर्धेचे उद्घाटन कर्नल श्रीकांत दीक्षित यांच्या हस्ते करण्यात आले. यावेळी एअर फोर्सचे सुशीलकुमार मिश्रा, अरविंद गोपाल, कर्नल जयवंत मोरे यांच्या हस्ते दीपप्रज्वलन करण्यात आले. कार्यक्रमाचे आयोजन संजय गायकवाड, दर्शना राजपूत यांनी केले होते.