येथील देव मामलेदार यशवंतराव महाराज मंदिराजवळ असलेल्या महात्मा गांधी यांच्या पुतळ्यास नगराध्यक्ष सुनील मोरे, उपनगराध्यक्ष दीपक पाकळे यांच्या हस्ते पुष्पहार अर्पण करून बापूंना आदरांजली वाहण्यात आली. येथील हुतात्मा स्मारकाचे नगरसेविका संगिता देवरे, पुष्पा सूर्यवंशी यांच्या हस्ते पूजन करून शहिदांना आदरांजली अर्पण करण्यात आली. नगर परिषदेच्या महात्मा गांधी वाचनालयात गटनेता महेश देवरे, नगरसेवक राहुल पाटील यांच्या हस्ते बापूंच्या प्रतिमेचे पूजन करून अभिवादन करण्यात आले.
यावेळी प्रशासन अधिकारी विजय देवरे, निशांत सोनवणे, सहाय्यक प्रशासन अधिकारी माणिक वानखेडे, किशोर सोनवणे, संदीप पवार, सचिन जाधव, मनोज बोरसे, शशिकांत कापडणीस, मनोज सोनवणे, निलेश माळी, विनायक पाकळे, पोपट देशमुख, कृष्णा कासार, अजय बच्छाव, विवेक देसले आदींसह नगर परिषदेचे कर्मचारी उपस्थित होते.