. यामुळे बसची होणारी दुरवस्था आणि प्रवाशांना होणारा त्रास याचा खासगी प्रवासी वाहतूकदारांना लाभ होताना दिसतो. बसच्या दुरवस्थेकडे फारसे गांभीर्याने पाहिले जात नाही ही चिंतेची बाब आहे. राज्य परिवहन महामंडळाने अपघात न करणाºया वाहनचालकांचा त्यांच्या सेवानिवृत्ती वेळी सत्कार केले. त्यामुळे परिस्थिती बदलावी अशी केलेली अपेक्षादेखील फोलच ठरली आहे, परिस्थिती दिवसेंदिवस बिकटच होत चालली आहे. सर्वात मोठ्या सार्वजनिक प्रवासी सेवांमध्ये गणल्या जाणाºया महाराष्ट्राच्या एसटी महामंडळाच्या सर्व बसगाड्या महामार्गावरूनच काय साध्या खड्डेमय रस्त्यातूनही सुसाट धावत असतात. आणि यावेळी प्रवासी जीव मुठीत धरून बसलेले असतात. बसच्या अशा अवस्थेमुळेच एसटीकडे अनेक प्रवाशांनी पाठ फिरवली आहे. यामुळे एसटी महामंडळालाच याचा अधिक फटका बसत आहे.**मेशी येथे धुळे-कळवण या कळवण आगाराच्या बसला अपघात झाला. ती बस २०१३ सालातील असून, आतापर्यंत आठ लाख आठ हजार ५२९ कि.मी. फिरलेली आहे. एप्रिल २०१८मध्ये या बसला फिटनेस प्रमाणपत्र मिळाले होते व मे २०२१पर्यंत ते वैध असल्याचे समजते..(03देवळाएसटी)