लोकमत न्यूज नेटवर्कघोटी : मुंबई - आग्रा महामार्गावर टाके घोटी शिवारात शुक्रवारी मध्यरात्री कंटेनर आणि ट्रकच्या झालेल्या अपघातात एक अनोळखी इसम जागीच ठार झाला.मुंबईहून नाशिककडे जाणाऱ्या कंटेनर आणि मालवाहतूक ट्रक यांच्यात शुक्र वारी मध्यरात्री टाके घोटी शिवारात अपघात झाला. या अपघातात कंटेनर रस्त्यावर आडवा झाला. या अपघातात ट्रकमधील एक अनोळखी व्यक्ती जागीच ठार झाली. या अपघातामुळे मुंबईहून नाशिककडे जाणारी वाहतूक दोन तासाहून अधिक काळ ठप्प झाली. यामुळे वाहनाच्या चार ते पाच किलोमीटर अंतरापर्यंत लांबच लांब रांगा लागल्या. या वाहतूक कोंडीत अडकल्याने प्रवाशांचे अतोनात हाल झाले.इगतपुरी पोलीस आणि टोल नाका कर्मचारी यांच्या अथक प्रयत्नानंतर अपघातग्रस्त वाहने हटविल्यानंतर वाहतूक पूर्ववत सुरू करण्यात आली.चालकाचा प्रसंगावधाने टळली जीवितहानी याच ठिकाणी दुपारच्या सुमारास भरधाव ओम्नी वाहनाने अकस्मात पेट घेतला. चालत्या वाहनातून धूर निघू लागल्याने चालकाने प्रसंगावधान राखून वाहन थांबवून बाहेर पडल्याने जीवितहानी टळली.
अपघातामुळे महामार्गावरील वाहतूक ठप्प
By admin | Updated: May 20, 2017 23:54 IST