धनगरांचा आज ढोल-डफ मोर्चा

धनगरांचा आज ढोल-डफ मोर्चा

नाशिक : राज्य शासनाने धनगर समाजाचा अनुसूचित जमातीत समावेशाची अंमलबजावणी लवकरात लवकर करावी यासाठी धनगर आरक्षण कृती समितीच्या वतीने दि. २ रोजी गोल्फ क्लब ते जिल्हाधिकारी कार्यालय असा पारंपरिक वेशभूषेतील ढोल-डफ मोर्चा आयोजित करण्यात आला आहे. समाजातील सर्व स्तरातील, सर्वपक्षीय संघटना, कार्यकर्त्यांनी हजारोंच्या संख्येने उपस्थित राहण्याचे आवाहन धनगर आरक्षण कृती समितीचे साईनाथ गिडगे, शिवाजी ढेपले, बापू शिंदे, आनंदा कांदळकर, राजाभाऊ खेमनार, भाऊलाल तांबडे, सोमनाथ गायकवाड, धनंजय बुचडे, नवनाथ मुरडनर, खंडेराव पाटील, भास्कर जाधव आदिंनी केले आहे.तोतया पोलिसांनी केली हजारोंची फ सवणूकनाशिक : रिक्षात बसलेल्या इसमाला पोलीस असल्याची बतावणी करून ३० हजार रुपयांची फ सवणूक केल्याची घटना गुरुवारी दुपारी शालिमार बसस्टॉपजवळ घडली़ याबाबत अधिक माहिती अशी की, निशांत संतोष पाटील (रा़ पवननगर, सिडको) व त्यांचा मित्र असे दोघे जण शालिमारला खरेदीसाठी आले होते़ त्यावेळी अज्ञात रिक्षाचालक तेथे आला व तुम्हाला दुकानात सोडतो असे सांगून रिक्षात बसवले़ त्यानंतर रिक्षाचालकाने आम्ही पोलीस आहोत असे म्हणत त्यांच्याजवळील मोबाइल व एक हजार रुपये काढून घेतले़ त्यानंतर एटीएममधून बळजबरीने २९ हजार रुपये काढण्यास भाग पाडले व ते पैसे घेऊन फ सवणूक केली़ या प्रकरणी भद्रकाली पोलीस ठाण्यात गुन्हा दाखल करण्यात आला आहे़