शहरातून दोन मोटारसायकलींची चोरी ; दुचाकी चोरीचे सत्र सुरूच

पोलिसांनी दिलेल्या माहितीनुसार, देवळाली कॅम्प येथील गावडे मळ्यात राहणारे हेमंत चंद्रकांत गायकवाड गेल्या मंगळवारी (दि.३) शरणपूररोडवरील पंचायत समिती कार्यालयात कामानिमित्त गेले होते. पंचायत समितीच्या आवारात पार्क केलेली त्यांची मोटारसायकल (क्र. एमएच १५ ईयू २१८६) अज्ञात चोरट्यांनी चोरून नेली. याप्रकरणी सरकारवाडा पोलीस ठाण्यात गुन्हा दाखल करण्यात आला आहे, तर दुसरी घटना तपाेवन भागात घडली आहे. शिवाजी दत्तू बर्डे (रा. शंकरनगर, द्वारका) यांनी याप्रकरणी आडगाव पोलीस ठाण्यात तक्रार दाखल केली आहे. शिवाजी बर्डे यांनी शनिवारी (दि. ७) औरंगाबादरोड ते तपोवन या मार्गावरील एसटी डेपो परिसरात पार्क केलेली दुचाकी (क्र. एमएच १९ एझेड २३२९) चोरट्यांनी चोरून नेली. याप्रकरणी आडगाव पोलीस ठाण्यात गुन्हा दाखल करण्यात आला आहे.