ब्राह्मणगाव येथे चंदनाची झाडांची चोरी

ब्राह्मणगाव : येथील रमेश नानाजी अहिरे यांचे शेतातील चंदनाची दोन मोठी झाडे चोरट्यांनी लंपास केली असून हा प्रकार नेहमीचाच झाल्याने चोरांचा बंदोबस्त करण्याची मागणी शेतकऱ्यांनी केली आहे. मागच्या वर्षी ही चंदन चोरांनी रमेश नानाजी अहिरे यांचे शेतातील चंदनाची झाडे चोरून नेली होती. गेल्या दोन तीन दिवसांपूर्वी ही चंदनाची दोन मोठी झाडे चोरट्यांनी पुन्हा चोरून नेल्याने शेतकरी वर्गात संताप व्यक्त केला जात असून चंदन चोरांचा बंदोबस्त करण्याची मागणी शेतकर्यांनी केली आहे. परिसरात घरफोडी , मोटरसायकल, पेट्रोल, शेळ्या चोरीच्या घटना नेहमी घडत आहेत मात्र अद्याप या चोरांचा बंदोबस्त होत नाही.त्यामुळे या चोरट्यांची हिम्मत वाढली आहे.तेव्हा सबंधित खात्याने या चोरट्यांचा बंदोबस्त करण्याची मागणी सर्वच थरातून केली जात आहे.