समको बँकेची सूत्रे पुन्हा ह्यआदर्शह्णच्या हाती

सटाणा : संपूर्ण बागलाण तालुक्याची अर्थवाहिनी असलेल्या येथील सटाणा मर्चंट्स बँकेच्या निवडणुकीत सभासदांनी अखेर आदर्श पॅनलवर पुन्हा एकदा विश्वास व्यक्त केला. सोमवारी (दि.२७) झालेल्या मतमोजणीत सत्ताधारी आदर्श पॅनलला १७ पैकी १५ जागांवर विजय मिळाला, तर त्यांनी विरोधी श्री सिद्धिविनायक पॅनलचा साफ धुव्वा उडवला. या पॅनलचे सर्वसाधारण गटातील उमेदवार डॉ. विठ्ठल येवलकर व भास्कर अमृतकर हे काठावर पास झाले.

ठळक मुद्देसत्ताधाऱ्यांवर विश्वास : १७ पैकी १५ जागांवर विजयविरोधी श्री सिद्धिविनायक पॅनलचा उडवला साफ धुव्वा

सटाणा : संपूर्ण बागलाण तालुक्याची अर्थवाहिनी असलेल्या येथील सटाणा मर्चंट्स बँकेच्या निवडणुकीत सभासदांनी अखेर आदर्श पॅनलवर पुन्हा एकदा विश्वास व्यक्त केला. सोमवारी (दि.२७) झालेल्या मतमोजणीत सत्ताधारी आदर्श पॅनलला १७ पैकी १५ जागांवर विजय मिळाला, तर त्यांनी विरोधी श्री सिद्धिविनायक पॅनलचा साफ धुव्वा उडवला. या पॅनलचे सर्वसाधारण गटातील उमेदवार डॉ. विठ्ठल येवलकर व भास्कर अमृतकर हे काठावर पास झाले.या निवडणूक निकालाकडे संपूर्ण जिल्ह्याचे लक्ष लागले होते. १९ जून रोजी मतदान झाल्यानंतर २० जून रोजी मतमोजणीवर श्री सिद्धिविनायक पॅनलने आक्षेप घेतल्याने मतमोजणी थांबवून बूथ क्रमांक ४/२ ची निवडणूक झाली. सोमवारी (दि.२७) निकाल जाहीर झाल्याबरोबर आदर्श पॅनलच्या समर्थक कार्यकर्त्यांनी गुलालाची उधळण करीत व फटाक्यांच्या आतषबाजीने जल्लोष केला.निवडून आलेले आदर्श पॅनलचे उमेदवार व त्यांना मिळालेली मते पुढीलप्रमाणे - सर्वसाधारण गटात पंकज ततार (३६७८), जयवंत येवला (३५०२), कैलास येवला (३३८०), स्वप्नील बागड (३२९८), सचिन कोठावदे (३१२१), महेश देवरे (३०५५), अभिजित सोनवणे (२९४८), चंद्रकांत सोनवणे (२९१७), रमणलाल छाजेड (२८८१), प्रवीण बागड (२८५८), सिद्धिविनायक पॅनलमधील डॉ. विठ्ठल येवलकर (३२८७), भास्कर अमृतकर (२८५५) तसेच भटक्या विमुक्त जाती-जमाती गटात जगदीश मुंडावरे, इतर मागास वर्ग गटात दिलीप येवला (३३९१), अनुसूचित जाती-जमाती गटात प्रकाश सोनग्रा, महिला राखीव गटात रूपाली कोठावदे (३३४७), कल्पना येवला (३१५८) हे विजयी झाले.मुख्य निवडणूक अधिकारी म्हणून देवळ्याचे सहायक निबंध सुजय पोटे यांनी काम पाहिले. जितेंद्र शेळके, शरद दराडे, अनिल पाटील, देवीदास बागडे यांनी त्यांना साहाय्य केले. पोलीस निरीक्षक सुभाष अनमूलवार यांनी चोख पोलीस बंदोबस्त ठेवला होता.पंकज ततारांना सर्वाधिक मतेविजयी उमेदवारांमध्ये पंकज सुभाष ततार यांना सर्वाधिक मते मिळाली, तर आदर्श पॅनलचे उमेदवार अशोक गुळेचा यांचा अल्पमताने पराभव झाल्याने समर्थकांमध्ये नाराजीचा सूर होता. श्री सिद्धिविनायक पॅनलचे विजयी उमेदवार विठ्ठल येवलकर निवडून आले असले तरी त्यांनी तात्काळ राजीनामा देऊन पायउतार होण्यासाठी पॅनलच्या इतर पराभूत उमेदवारांकडून त्यांच्यावर दबाव टाकला जात असल्याची चर्चा होती.