खर्डे : देवळा तालुका सरपंचसेवा महासंघाच्या अध्यक्षपदी दहीवड येथील लोकनियुक्त सरपंच आदिनाथ ठाकूर यांची तर खर्डे येथील प्रहारचे जिल्हा उपाध्यक्ष कृष्णा जाधव यांची देवळा तालुका निरीक्षकपदी निवड करण्यात आली. शुक्रवारी चांदवड येथे सरपंचसेवा महासंघ महाराष्ट्र राज्य यांच्या वतीने संपर्क अभियान व नवीन पदाधिकाऱ्यांची नियुक्ती करण्यात आली. चांदवड येथील शासकीय विश्रामगृहावर राज्य अध्यक्ष पुरुषोत्तम घोगरे पाटील, तसेच राज्य उपाध्यक्ष तथा जिल्हाध्यक्ष बाळासाहेब मस्के पाटील, सोशल मीडिया प्रमुख भाऊसाहेब कळसकर आदी संघटनेच्या पदाधिकाऱ्यांच्या उपस्थितीत सरपंचसेवा संघाची बैठक झाली. यावेळी संघाच्या कार्यक्रमाची रूपरेषा व नवीन पदाधिकाऱ्यांची निवड करण्यात येऊन नियुक्तिपत्र देण्यात आले. यात दहीवड येथील लोकनियुक्त सरपंच आदिनाथ ठाकूर यांची देवळा तालुका सरपंचसेवा महासंघाच्या अध्यक्षपदी तर उपाध्यक्ष म्हणून पिंपळगाव वाखारीचे नदीश थोरात, कोषाध्यक्षपदी डोंगर गावचे दयाराम सावंत, कार्याध्यक्षपदी चिंचवे येथील लोकनियुक्त सरपंच रवि सावंत यांची तर खर्डे येथील प्रहारचे जिल्हा उपाध्यक्ष कृष्णा जाधव यांची तालुका निरीक्षकपदी निवड करण्यात आली.
-----------------
खर्डे येथील प्रहारचे जिल्हा उपाध्यक्ष कृष्णा जाधव यांना सरपंचसेवा महासंघाच्या तालुका निरीक्षक पदाचे नियुक्तिपत्र देताना पुरुषोत्तम घोगरे पाटील आदी. (२१ खर्ड)
210821\21nsk_9_21082021_13.jpg
२१ खर्डे