विल्होळीजवळ टॅँकर खड्ड्यात

विल्होळीजवळ टॅँकर खड्ड्यात

पाथर्डी : मुंबई-आग्रा महामार्गावरील विल्होळी जकात नाक्याजवळ चालकाचे वाहनावरील नियंत्रण सुटल्याने गॅस टॅँकर रस्त्याच्या कडेला असलेल्या खड्ड्यात पडला.शुक्रवारी दुपारच्या सुमारास इंण्डेन कंपनीचा गॅस टॅँकर (एमएच ४६ /एच ४२८३) मुंबईकडून नाशिककडे येत असताना विल्होळी जकात नाक्याजवळ चालकाचे वाहनावरील नियंत्रण सुटले; मात्र चालकाने प्रसंगावधान राखून गॅसने भरलेला टॅँकर रस्त्याच्या कडेला असलेल्या खड्ड्यात उतरविला.खड्ड्यात टॅँकर उतरविला असला तरी सुदैवाने गॅस गळती न झाल्याने मोठा अनर्थ टळला. क्रेनच्या सहाय्याने टॅँकर काही वेळातच सुरक्षितपणे बाहेर काढण्यात आला. चालकाने प्रसंगावधान राखल्याने मोठा अनर्थ टळला. (वार्ताहर)