श्रमिकनगरच्या मध्यवस्तीत असलेल्या या मिठाई दुकानाला रविवारी (दि. २८) रात्री अकरा वाजेच्या सुमारास अचानकपणे आग लागली. काही वेळातच आगीने रौद्ररूप धारण केले. हाकेच्या अंतरावर असलेल्या महिंद्र अँड महिंद्र कंपनीच्या अग्निशमन दलाच्या जवानांनी बंबासह तत्काळ धाव घेत आग विझविण्यास सुरुवात केली; मात्र आगीचे स्वरूप मोठे असल्याने परिसरातील नागरिकांनी तत्काळ अग्निशमन दलाला घटनेची माहिती दिली. यामुळे त्वरित सातपूर अग्निशमन केंद्राचे जवान तीन बंबांसह घटनास्थळी पोहोचले. जवानांनी शर्थीचे प्रयत्न करून आग आटोक्यात आणली; मात्र तोपर्यंत दुकानातील सर्व साहित्य व वस्तू जळून राख झाल्या होत्या. या आगीत लाखो रुपयांचे नुकसान झाल्याचे सांगण्यात आले. या दुकानाशेजारी किराणा दुकान, मेडिकलसह इतर दुकाने आहेत. यामुळे अन्य दुकानांनाही आगीची झळ पोहोचण्याची भीती व्यक्त केली जात होती. येथील एका अपार्टमेंटच्या खालच्या मजल्यावर हे दुकान असल्याने त्या इमारतीत वरच्या मजल्यांवर राहणाऱ्या राहिवाशांमध्ये भीतीचे वातावरण पसरले होते. आगीची माहिती समजताच वरिष्ठ पोलीस निरीक्षक किशोर मोरे हे पोलीस कर्मचाऱ्यांसह घटनास्थळी दाखल झाले होते. पोलिसांनी बघ्यांची गर्दी नियंत्रणात आणल्याने अग्निशमन दलाच्या जवानांना आग विझविण्याच्या कार्यात अडथळा निर्माण झाला नाही. शॉर्टसर्किट होऊन आगीचा भडका उडाला असल्याचा अंदाज वर्तविला जात आहे.
--
फोटो आर वर २९फायर नावाने सेव्ह आहे.
===Photopath===
290321\29nsk_6_29032021_13.jpg
===Caption===
आगीच्या भक्ष्यस्थानी पडलेले दुकान