सुरगाणा धान्य घोटाळ्यातील सूत्रधार अटकेत आठ दिवस कोठडी : अपहारावर पडणार प्रकाशझोत

नाशिक : संपूर्ण राज्यात खळबळ उडवून देणाºया बहुचर्चित कोट्यवधी रुपयांच्या सुरगाणा धान्य घोटाळ्यातील मुख्य सूत्रधार व वाहतूक ठेकेदार मोरारजी भिकुलाल मंत्री यांच्यासह तिघांना अखेर सुरगाणा पोलिसांनी अटक केली असून, गुन्ह्णाची व्याप्ती पाहता न्यायालयाने त्यांना आठ दिवस पोलीस कोठडीत ठेवण्याचे आदेश दिले आहेत. विशेष म्हणजे अटक टाळण्यासाठी या तिघा आरोपींनी थेट सर्वोच्च न्यायालयात धाव घेतली होती व न्यायालयाने जामीन अर्ज फेटाळल्यानंतरही गेल्या नऊ महिन्यांपासून ते राजरोस मोकळे फिरत होते, परंतु पोलिसांना त्याचा थांगपत्ताच नव्हता.

ठळक मुद्दे सुरगाणा धान्य घोटाळ्यातील सूत्रधार अटकेत आठ दिवस कोठडी : अपहारावर पडणार प्रकाशझोत न्यायालयाने त्यांना आठ दिवस पोलीस कोठडीत ठेवण्याचे आदेश दिले

नाशिक : संपूर्ण राज्यात खळबळ उडवून देणाºया बहुचर्चित कोट्यवधी रुपयांच्या सुरगाणा धान्य घोटाळ्यातील मुख्य सूत्रधार व वाहतूक ठेकेदार मोरारजी भिकुलाल मंत्री यांच्यासह तिघांना अखेर सुरगाणा पोलिसांनी अटक केली असून, गुन्ह्णाची व्याप्ती पाहता न्यायालयाने त्यांना आठ दिवस पोलीस कोठडीत ठेवण्याचे आदेश दिले आहेत. विशेष म्हणजे अटक टाळण्यासाठी या तिघा आरोपींनी थेट सर्वोच्च न्यायालयात धाव घेतली होती व न्यायालयाने जामीन अर्ज फेटाळल्यानंतरही गेल्या नऊ महिन्यांपासून ते राजरोस मोकळे फिरत होते, परंतु पोलिसांना त्याचा थांगपत्ताच नव्हता.नाशिकरोडचे मे. एस. एन. कंपनीचे भागीदार असलेले मोरारजी भिकुलाल मंत्री यांनी शासकीय धान्य वाहतुकीचा ठेका घेतला त्याकाळी साधारणत: ३० सप्टेंबर ते १९ डिसेंबर २०१४ या अडीच महिन्यांच्या कालावधीत मनमाडच्या अन्न धान्य महामंडळातून सुरगाणा तालुक्यातील शिधापत्रिकाधारकांसाठी मंजूर झालेले रेशनचे धान्य सुरगाणा येथे न पोहोचविता त्याची परस्पर विल्हेवाट लावल्याचा गुन्हा २६ जानेवारी २०१५ रोजी सुरगाणा पोलीस ठाण्यात दाखल झाला होता. वाहतूक ठेकेदार मंत्री यांना त्याचा व्यवस्थापक संजय रामकृष्ण गडाख रा. नाशिकरोड व उगम पारसमल पगारिया रा. सुरगाणा यांनी या धान्य घोटाळ्यात मदत केली होती. या तिघांशिवाय या धान्य घोटाळ्यात एकूण २५ जणांविरुद्ध गुन्हा दाखल करण्यात आला होता. या सर्वांनी संगनमत करून सुमारे सात कोटी, सतरा लाख रुपयांचे धान्य काळ्याबाजारात विक्री केल्याचे तपासात निष्पन्न झाले होते. या घटनेने संपूर्ण राज्यात खळबळ उडाली होती, राज्य सरकारने त्याची दखल घेत विधीमंडळ अधिवेशनातच दोषींवर कडक कारवाईचे तसेच हलगर्जीपणा केल्याचा ठपका ठेवून नाशिक जिल्ह्णातील सात तहसीलदारांना निलंबितही केले होते. या गुन्ह्णातील अन्य आरोपींना अटक करून पोलिसांनी तपासही पूर्ण करीत न्यायालयात दोषारोपपत्र दाखल केले असताना मुख्य सूत्रधार मंत्री व त्यांचे दोघे साथीदार मात्र अटक टाळण्यासाठी न्यायालयात गेले होते. जिल्हा न्यायालय, उच्च न्यायालयानेही अटकपूर्व जामीन फेटाळल्यानंतर त्यांनी थेट सर्वाेच्च न्यायालयात धाव घेतली व तेथेही फेब्रुवारी २०१७ मध्ये अर्ज फेटाळण्यात आला. परंतु ते पोलिसांसमोर हजर झाले नाहीत, उलट समाजात राजरोस वावरताना जिल्हा पुरवठा कार्यालयात धान्य वाहतुकीचा ठेका घेताना अनामत भरलेली अडीच कोटी रुपयांची रक्कम परत मिळावी म्हणून त्यांनी तगादा लावला होता.नाशकातून केली अटकदोन आठवड्यांपूर्वी राज्याचे अन्न व नागरी पुरवठामंत्री गिरीश बापट यांच्या दौºयाच्या वेळी सुरगाणा धान्य घोटाळ्यातील आरोपी न्यायालयाच्या आदेशानंतरही फरार असल्याचे लक्षात आले होते. बापट यांनी त्यांना तत्काळ अटक करण्याचे आदेश दिले तेव्हापासून कळवणचे पोलीस उपअधीक्षक देवीदास पाटील आरोपींच्या पाळतीवर होते. मंगळवारी नाशिकमध्येच मंत्री, गडाख व पगारिया या तिघांना अटक करण्यात आली. त्यांना बुधवारी दिंडोरी न्यायालयात हजर केले असता, दि. २ डिसेंबरपर्यंत पोलीस कोठडीत ठेवण्याचे आदेश देण्यात आले आहेत. २ डिसेंबरपर्यंत कोठडीदोन आठवड्यांपूर्वी पुरवठामंत्री गिरीश बापट यांनी त्यांना तत्काळ अटक करण्याचे आदेश दिले तेव्हापासून कळवणचे पोलीस उपअधीक्षक आरोपींच्या पाळतीवर होते. मंगळवारी नाशिकमध्येच मंत्री, गडाख व पगारिया या तिघांना अटक करण्यात आली. त्यांना बुधवारी दिंडोरी न्यायालयात हजर केले असता, दि. २ डिसेंबरपर्यंत पोलीस कोठडीत ठेवण्याचे आदेश देण्यात आले.