सीडीओ मेरी शाळेत विद्यार्थी गुणगौरव

सीडीओ मेरी शाळेत विद्यार्थी गुणगौरव

पंचवटी : नाशिक एज्युकेशन सोसायटीच्या सीडीओ मेरी शाळेत गुणवंत विद्यार्थ्यांचा गुणगौरव सोहळा नुकताच झाला. या कार्यक्रमाला प्रमुख पाहुणे म्हणून माजी विभागीय शिक्षण संचालक पी. एस. मुसळे उपस्थित होते. अध्यक्षस्थान डी. एस. कुलकर्णी यांनी भूषविले. परिश्रमपूर्वक अभ्यास केल्यास उत्तम यश मिळते. प्रत्येकाने अभ्यासात सातत्य, चिकाटी व सखोल वाचन केल्यास चांगले गुण प्राप्त होऊ शकतात, असे मत मान्यवरांनी व्यक्त केले. कार्यक्रमाला अरविंद ओढेकर, रमाकांत सोनवणे, दिलीप अहिरे, उपमुख्याध्यापक गीता कुलकर्णी, श्रीमती कृष्णा राऊत, मुग्धा काळकर, मुक्ता सप्रे आदि उपस्थित होते. यावेळी ९० टक्क्यांपेक्षा जास्त गुण मिळविणाऱ्या विद्यार्थ्यांचा गौरव करण्यात आला. शरद शेळके यांनी सूत्रसंचालन केले, तर छाया गुंजाळ यांनी आभार मानले.