मनमाड : कमी प्रतिसादामुळे व प्रवाशी संख्या अत्यल्प असल्याने मनमाड-मुंबई विशेष गाडीसह अन्य गाड्यांचे रद्दीकरण विस्तारीत करण्यात आले आहे. यामधील बहुतांश गाड्या या जून महिन्याच्या अखेरपर्यंत रद्द करण्यात आल्याची माहिती रेल्वे सूत्रांनी दिली.
दि.३० जून व १ जुलैपर्यंत रद्द करण्यात आलेल्या गाड्यांमध्ये मुंबई -मनमाड विशेष गाडी, मनमाड-मुंबई विशेष गाडी, दादर-साईनगर शिर्डी विशेष, साईनगर शिर्डी-दादर विशेष, पुणे- नागपूर विशेष , नागपूर-पुणे विशेष, मुंबई-नागपूर विशेष, नागपूर-मुंबई विशेष, मुंबई-अमरावती विशेष, अमरावती-मुंबई विशेष, मुंबई-जालना व जालना-मुंबई विशेष, पुणे-अमरावती विशेष, अमरावती-पुणे विशेष, पुणे-अजनी विशेष, अजनी-पुणे विशेष ,कोल्हापूर-नागपूर विशेष, नागपूर- कोल्हापूर विशेष, नागपूर -अहमदबाद विशेष, अहमदाबाद-नागपूर विशेष यासह अन्य गाड्यांचा समावेश आहे.