...तर शहराच्या विकासावर परिणाम! ‘स्नायडर’ कारखाना बंद

कामगार संघटनांमध्ये तीव्र पडसाद; कामगारांमध्ये चिंता

सातपूर : सातपूर औद्योगिक वसाहतीतील ‘स्नायडर इलेक्ट्रिक’ कंपनी बंद करून गुजरात राज्यात स्थलांतरित करण्याचा निर्णय कंपनी व्यवस्थापनाने घेतल्यानंतर औद्योगिक वर्तुळात तीव्र पडसाद उमटले आहेत. शासनाच्या उद्योग धोरणावर टीका होत असून, कारखाना बंद करण्यास शासन परवानगी कशी देऊ शकते, असा प्रश्न उपस्थित केला जात आहे. केवळ सवलती मिळतात म्हणून कारखाना स्थलांतरित केला जात असेल तर संपूर्ण देशात एकच औद्योगिक धोरण ठरविण्याची मागणी जोर धरू लागली आहे. भागभांडवलदार कुठेही कारखाना घेऊन जाऊ शकतात; परंतु त्यानंतर निर्माण होणारी परिस्थिती, समस्या याचा विचार होणे गरजेचे आहे. अशीच परिस्थिती राहिल्यास नाशिकमधील कारखाने स्थलांतरीत होऊन शहरचा विकास आणि बेरोजगारीचा प्रश्न निर्माण होऊ शकतो. याबाबत विविध कामगार संघटनांची तीव्र भावना व्यक्त केल्या आहेत. (वार्ताहर)