सामनगाव रोड जयप्रकाशनगर येथील संदीप जगन पिंपळे याने दिलेल्या फिर्यादीत म्हटले आहे की, रविवारी रात्री १० च्या सुमारास अश्विनी कॉलनीतील म्हाडा इमारतीच्या २ नंबर गेटवर मोबाईलवर बोलत होता. यावेळी लहान मुलांच्या खेळण्यातील वादावरून संशयित नवनाथ बाबादेव पंडित, राम मोतीराम मोरे, मन्या कैलास डोगले, आकाश सुनील बावीस्कर, श्याम मोतीराम मोरे, सागर रामदास पगारे, अज्जू बाळू निळे, कुणाल सूर्यवंशी, साधू शांताराम चौधरी (सर्व रा. अश्विन कॉलनी) यांनी संदीप पिंपळेकडे येऊन हा विशाल पवारचा मित्र आहे, असे म्हणून लाथाबुक्क्यांनी मारहाण करून कोयत्याने वार करून गंभीर जखमी केले. जखमी संदीपला त्याचा मित्र योगेश आहेर हा दवाखान्यात घेऊन जाण्यासाठी आला असता त्याच्यावरही कोयत्यानेेे व विळ्याने वार करून तसेच लोखंडी रॉडने मारहाण करत त्यालाही गंभीर जखमी करण्यात आले. यामुळे अश्विनी कॉलनी परिसरात तणाव पसरला होता. याप्रकरणी नाशिकरोड पोलीस ठाण्यात संशयितांविरुद्ध जीवे ठार मारण्याचा प्रयत्न केल्याप्रकरणी गुन्हा दाखल करण्यात आला आहे.
---
---
सामनगावरोडला युवकाची आत्महत्या
नाशिकरोड : सामनगावरोडवरील औटे मळा येथील रहिवासी युवक प्रशांत मधुकर औटे (२२) याने रविवारी (दि.२१) सकाळी १० वाजेच्या पूर्वी राहत्या घरी गळफास घेऊन आत्महत्या केली. आत्महत्येचे निश्चित कारण समजू शकले नाही. याप्रकरणी नाशिकरोड पोलीस ठाण्यात अकस्मात मृत्यूची नोंद करण्यात आली आहे.
---
४० वर्षीय बंदिवानाचा मृत्यू
नाशिकरोड : जेलरोडवरील मध्यवर्ती कारागृहातील बंदिवान राजेंद्र पुंडलिक निगड (४०) हा कोणत्या तरी आजाराने आजारी असल्याने त्याला सोमवारी (दि.२२) जिल्हा रुग्णालयात उपचारासाठी दाखल करण्यात आले. त्याला वैद्यकीय अधिकाऱ्यांनी तपासून मृत घोषित केले. याप्रकरणी नाशिकरोड पोलीस ठाण्यात अकस्मात मृत्यूची नोंद करण्यात आली आहे. शवविच्छेदन अहवालानंतर मृत्यूस कारणीभूत ठरलेल्या आजाराचे निदान होऊ शकणार असल्याचे सूत्रांनी सांगितले.
---