नाशिक : चोरी, घरफोडी, हाणामारी यांसारख्या घटनांमुळे त्रस्त झालेले शहरवासीय दुचाकी चोरीच्या घटनांमुळे अधिकच धास्तावले आहेत़ शहरातून तब्बल सहा दुचाकी चोरीस गेल्याची नोंद आडगाव, नाशिकरोड, भद्रकाली, सरकारवाडा व उपनगर पोलीस ठाण्यात करण्यात आली आहे़मखमलाबाद रोडवरील ड्रीम कॅस्टलमध्ये राहणारे पंकज दिलीप कडलग (२२) यांची ३० हजार रुपये किमतीची पल्सर दुचाकी (एमएच १५, डीएफ ५१९५) आडगाव परिसरातील साईज्योत अपार्टमेंटमधून चोरट्यांनी चोरून नेली़ या प्रकरणी आडगाव पोलीस ठाण्यात दुचाकी चोरीचा गुन्हा दाखल करण्यात आला आहे़म्हसरूळ परिसरातील प्रीतीगंध सोसायटीत राहणारे ताराचंद संभाजी काळे (४५) यांची १० हजार रुपये किमतीची होंडा दुचाकी (एमएच १५, एटी ६०२२) मुंबई नाक्यावरील शताब्दी हॉस्पिटलच्या पार्किंगमधून चोरट्यांनी चोरून नेली़ जेलरोड शिवाजीनगर परिसरात राहणाऱ्या अर्चना संजय शिंदे (३४) यांची ४० हजार रुपये किमतीची अ‍ॅक्टिवा दुचाकी (एमएच १५, ईसी०५८५) महामार्ग बसस्थानकातून चोरट्यांनी चोरून नेली़ काझीपुरा येथील रहिवासी रियाज अली सय्यद (२६) यांची २० हजार रुपये किमतीची पल्सर दुचाकी गोल्फ क्लब मैदानाजवळून चोरट्यांनी चोरून नेली़ या प्रकरणी सरकारवाडा पोलीस ठाण्यात दुचाकी चोरीचा गुन्हा दाखल करण्यात आला आहे़चिंचोली फाट्यावरील रहिवासी विजय जगन्नाथ उगले (१९) यांची २२ हजार रुपये किमतीची होंडा दुचाकी (एमएच १५, सीई ००२९) घराजवळून चोरट्यांनी चोरून नेली़ या प्रकरणी नाशिकरोड पोलीस ठाण्यात दुचाकी चोरीचा गुन्हा दाखल केला आहे़नारायणबापूनगरमधील पिंटो कॉलनीतील रहिवासी विकास पवार (५०) यांची २० हजार रुपये किमतीची दुचाकी (एमएच १५, सीडब्ल्यू २०३३) राहत्या घराजवळून चोरट्यांनी चोरून नेली़ या प्रकरणी उपनगर पोलीस ठाण्यात दुचाकी चोरीचा गुन्हा दाखल करण्यात आला आहे़ (प्रतिनिधी)
सहा दुचाकींची शहरातून चोरी
By admin | Updated: October 20, 2015 22:03 IST