शिवभारत सप्ताहाचे ध्वजारोहण

येवला : छत्रपती शिवाजी महाराज यांचे आचार आणि विचार जागर साप्ताहाच्या पार्श्वभूमीवर रविवारी कातरणी येथे ध्वजारोहणाचा कार्यक्रम संपन्न झाला.

 येवला : छत्रपती शिवाजी महाराज यांचे आचार आणि विचार जागर साप्ताहाच्या पार्श्वभूमीवर रविवारी (दि.९) कातरणी येथे ध्वजारोहणाचा कार्यक्रम मान्यवरांच्या उपस्थितीत संपन्न झाला. हिंदू धर्माचे प्रतीक समजल्या जाणाऱ्या भगव्या रंगाचा आकाराने मोठा असलेल्या ध्वजाचे पूजन छत्रपती शिवरायांचे बारावे वंशज श्रीमंत छत्रपती शिवाजीराजे भोसले अदालतवाडा, सातारा यांच्या उपस्थितीत ह.भ.प चंद्रकांतबुवा मोरे, देहू, ह भ.प भास्करगिरी महाराज यांच्या हस्ते ध्वजारोहण करण्यात आले.एकविसाव्या शतकात जगत असतांना श्रीमंत श्री छत्रपती शिवाजी महाराज यांचे आचार आणि विचार तरु ण पिढीवर रु जविण्यासाठी व शिवाजी महाराज यांच्या कार्याचा जागर करण्यासाठी श्री क्षेत्र कातरणी येथे परिसरातील सर्व शिवभक्ताच्या सहकार्याने वैचारिक मंथनाचा ऐतिहासिक महत्व विषद करणारा कार्यक्रम दि. २३ ते ३० एप्रिल दरम्यान कातरणी येथे आयोजित करण्यात आला आहे.महावीर जयंतीचे औचित्य साधून सकाळी जवळपास ३५० ते ४०० दुचाकीस्वारासह व छत्रपती शिवरायांची व भगवान महावीर यांच्या प्रतिमेची परिसरातील विसापूर, विखरणी, गुजरखेडे, कानडी, आडगांवरेपाळ व मुरमी आदि गावांमध्ये सवाद्य मिरवणूक काढून कातरणी येथे आणण्यात आली. कार्यक्र मास १००८ महामंडलेश्वर शिविगरी बाबा, महंत १००८ पिनाकेश्वर महाराज,विठ्ठलबाबा ढोमसे, मधुकर माऊली वडगांवकर, ज्येष्ठ नेते माणिकराव देशमुख, माजी आमदार मारोतीराव पवार, शिवभारत आख्यान समितीचे अध्यक्ष विठ्ठलराव शेलार, नरेंद्र दराडे, नगरपालिका उपाध्यक्ष सूरज पटणी, जिल्हा परिषद सदस्य संजय बनकर, अप्पासाहेब कदम, धोंडिराम कुऱ्हाडे, किशोर दराडे, पंचायत समिती सदस्य मोहन शेलार, डॉ.सुधीर जाधव यांच्यासह अनेक मान्यवर तसेच शिवभक्त तरु ण, महिला व बालगोपाळ उपस्थित होते. कार्यक्र माच्या शेवटी उपस्थित शिवभक्तांना शिवराज्यकालीन मर्दानी खेळ दाखविण्यात आले. (वार्ताहर)