नाशिक : गेल्या अनेक दिवसांपासून पोलिसांच्या हातावर तुरी देऊन फरार असलेल्या सराईत गुन्हेगार व्यंकटेश उर्फ व्यंक्या मोरे याला पंचवटी पोलिसांनी महाबळेश्वर येथे अटक केली आहे. हनुमानवाडीतील भेळ विक्रते सुनिल व हेमंत वाघ या दोघा भावंडावर हल्ला करून सुनिल वाघ याची हत्या प्रकरणी मोरे फरार होता. मोरे याच्यावर शहरातील अन्य पोलिस ठाण्यात विविध प्रकारचे गंभीर गुन्हे दाखल आहेत व तो अनेक गुह्यात फरार होता असे पोलिसांनी सांगितले. मोरे याच्यासह अन्य ४ ते ५ संशयितांना ताब्यात घेतले आहे अशी माहिती पंचवटी पोलीस ठाण्याचे वरिष्ठ पोलीस निरीक्षक दिनेश बर्डेकर यांनी दिली आहे. पंचवटी पोलीस ठाण्याचे गुन्हा शोध पथकाने ही कामगिरी केली आहे.
सराईत गुन्हेगार "व्यंक्या"ला अटक
By लोकमत न्यूज नेटवर्क | Updated: July 19, 2017 13:59 IST