शहरं
Join us  
Trending Stories
1
Vaibhav Suryavanshi : १४ वर्षांच्या पोराचा धुमाकूळ! सिक्सर मारत ठोकली IPL मधील विक्रमी सेंच्युरी
2
पाकिस्तानवर मोठा प्रहार करा! पहलगाम हल्ल्यानंतर जगभरातील भारतीयांची निषेध आंदोलने
3
विद्यार्थ्यांच्या मनामनात रुजणार भारतीय संविधानाची मूल्ये; नागपूर विद्यापीठाने तयार केला अभ्यासक्रम
4
आनंदाच्या भरात पायाला लागलंय ते विसरला! वैभवच्या शतकी खेळीला द्रविडनं अशी दिली दाद (VIDEO)
5
वेटिंगवाल्या प्रवाशांचा चक्क लिनन बॉक्समधून प्रवास! रेल्वे पोलिसांनी सहा जणांना केली अटक
6
IPL 2025 : वैभव सूर्यंवशीच्या ऐतिहासिक खेळीच्या जोरावर २०० पारच्या लढाईत राजस्थानचा 'रॉयल' विजय
7
विविध रेल्वे गाड्यांमधून दारूच्या एकूण १० हजार बाटल्या जप्त! मद्य तस्करीविरोधात मोठी कारवाई
8
लातूर जिल्ह्यातील हाडोळती येथे युवकाच्या खून प्रकरणी न्यायालयाकडून दाेघांना पोलीस काेठडी
9
नागरिकत्व पाकिस्तानी, मात्र 'दिल हिंदुस्थानी'! उल्हासनगरात २५० जण 'भारतीय' होण्याच्या प्रतीक्षेत
10
'भारतीय सैन्य कधीही हल्ला करू शकते...', पाकिस्तानी संरक्षण मंत्र्याने व्यक्त केली भीती
11
बोगस डॉक्टरांविरोधात प्रशासनाने कसली कंबर; तालुकापातळीवरही समिती सक्षम होणार!
12
जिल्हा पोलिस दलातील सांगलीच्या सहा जणांना महासंचालक सन्मानचिन्ह; १ मे रोजी प्रदान सोहळा
13
हिवराच्या शेंगा खाल्ल्याने २६ मेंढ्यांचा मृत्यू; साताऱ्याजवळील फलटण तालुक्यातील घटना
14
RR vs GT : गिलचा कॅच सुटल्यावर बहिणीने मानले देवाचे आभार; तिची रिॲक्शन होतीये व्हायरल
15
पहलगाम हल्ल्याचा नवीन व्हिडिओ समोर; पर्यटकाच्या कॅमेऱ्यात कैद झाली संपूर्ण घटना, पाहा...
16
Padma Awards: क्रिकेटपटू आर अश्विनला पद्मश्री, हॉकीपटू श्रीजेशला पद्मभूषण; येथे पाहा संपूर्ण यादी!
17
पावसाळ्याआधी मृदा व जलसंधारणाविषयी मुख्यमंत्री देवेंद्र फडणवीसांनी घेतला 'हा' महत्त्वाचा निर्णय
18
'शरिया कोर्ट', 'कोर्ट ऑफ काजी'ला कायदेशीर मान्यता नाही; त्यांचे निर्देश बंधनकारक नाहीत: सर्वोच्च न्यायालय
19
मुलगी आयएएस अधिकारी झाली, आनंदोत्सवात वडिलांना ह्रदयविकाराचा झटका
20
युरोपात ब्लॅकआउट! फ्रान्स, स्पेनसह अनेक देशांमध्ये वीजपुरवठा खंडित; विमान, मेट्रोसेवा ठप्प

मृत्यू नोंदीतील घोळावर शिक्कामोर्तब; गुरुवारी पोर्टलवर तब्बल २७० बळींची नोंद

By लोकमत न्यूज नेटवर्क | Updated: June 11, 2021 04:11 IST

नाशिक : जिल्ह्यात कोरोना बाधित अत्यल्प होत असतानाही बळींची संख्या सातत्याने अधिक रहात असताना मृत्यूच्या नोंदींमध्ये विलंब होत असल्याचे ...

नाशिक : जिल्ह्यात कोरोना बाधित अत्यल्प होत असतानाही बळींची संख्या सातत्याने अधिक रहात असताना मृत्यूच्या नोंदींमध्ये विलंब होत असल्याचे प्रकार सातत्याने घडत होते. मात्र, जिल्हा आणि मनपा प्रशासनाकडून ते मान्य केले जात नव्हते. मात्र, प्रत्यक्ष बळी आणि पोर्टलवरील बळींच्या संख्येत दिसणारी तफावत आता भरुन काढली जाऊ लागली असल्यानेच गुरुवारी पोर्टलवर तब्बल २७० बळींची नोंद करण्यात आली आहे. या नोंदीतील विलंबाबाबत तांत्रिक त्रुटींच्या कारणांचा खुलासा देऊन जिल्हा शल्यचिकित्सकांकडून ही मोठी चूक मान्य करण्यात आल्याने अखेर कोरोना बळींच्या नोंदीतील घोळावरच शिक्कामोर्तब झाले आहे.

जिल्हा शल्यचिकित्सकांनी गुरुवारी केलेल्या खुलाशात दुसऱ्या लाटेत सर्वच रुग्णालये आणि कर्मचाऱ्यांवर प्रचंड ताण असतानाच फॅसिलिटी ॲप कार्यान्वित न होणे, इंटरनेट कनेक्टिव्हीटीच्या अडचणी, प्रयोगशाळेतून रुग्णांचा आयसीएमआरआयडी वेळेत प्राप्त न होणे, डाटा एंट्री करणारे कुशल मनुष्यबळ आजारी पडणे, मनुष्यबळाची अनुपलब्धता यासारख्या अनेक बाबींमुळे काही रुग्णालयांमार्फत मागील काही महिन्यात झालेले काही मृत्यू पोर्टलवर अपलोड केले गेले नव्हते. त्याबाबत वेळोवेळी जिल्हा रुग्णालय प्रशासनाकडून संबंधित स्थानिक यंत्रणांना सूचित करण्यात आले होते. वेळोवेळी यंत्रणेमार्फत पाठपुरावा करुन खासगी आणि निमशासकीय रुग्णालयांना पोर्टलवर मृत्यू संख्या अद्ययावत करण्याची अंतिम मुदत देण्यात आलेली होती. त्यामुळेच आता पोर्टलवर दैनंदिन मृत्यू अपलोड होण्याच्या संख्येत वाढ झाली असल्याचे जिल्हा शल्यचिकित्सकांकडून पाठविण्यात आलेल्या खुलाशात नमूद करण्यात आले आहे.

इन्फो

मृत्यू दर थेट १.३९ टक्क्यांवर

गत दोन दिवसात जिल्ह्यात केवळ १० मृत्यू झाले आहेत. त्यात नाशिक मनपा क्षेत्रात ३ तर ग्रामीणला ६ आणि जिल्हाबाह्य १ अशी मृत्यूसंख्या आहे. तर, गत काही महिन्यातील विविध रुग्णालयांमधील २६० बळींची नोंद मृत्यू पोर्टलवर अपडेट करण्यात आली आहे. या सर्व बळींचा समावेश जिल्ह्याच्या एकूण बळींमध्ये करण्यात आलेला आहे . त्यात नाशिक मनपा क्षेत्रातील १६७, नाशिक ग्रामीणचे ९१, मालेगाव मनपा क्षेत्रातील २ तर जिल्हाबाह्य १० मृत्यूंचा समावेश आहे. या वाढीव मृत्यूमुळे जिल्ह्याचा एकूण मृत्यूदर १.३१ टक्क्यांवरुन थेट १.३९ टक्क्यांवर पोहोचला आहे.

इन्फो

मृत्यूसंख्या अपडेट करणे सुरुच राहणार

शासकीय आरोग्य यंत्रणा तिसऱ्या लाटेची पूर्वतयारी करीत असताना पोर्टलवर मृत्यूसंख्या अपडेट करण्याची ही प्रक्रिया अजून काही दिवस सुरुच राहणार असल्याचेही खुलाशात नमूद करण्यात आले आहे. त्यामुळे पुढील काही दिवस अजून अशाच प्रकारच्या मोठमोठ्या आकड्यांची बळीसंख्या येत राहणार असल्याचेच संकेत देण्यात आले आहेत. त्यामुुळे पुढील काही दिवसात यापेक्षाही मोठे आकडे येण्याची शक्यता नाकारता येत नाही.

इन्फो

नवीन ३०७ रुग्ण

जिल्ह्यात गुरुवारी एकूण रुग्ण संख्येत ३०७ ने वाढ झाली आहे.त्यात २०० रुग्ण नाशिक ग्रामीणचे , ९७ रुग्ण नाशिक मनपाचे ७ जिल्हाबाह्य तर ३ मालेगाव मनपा क्षेत्रातील आहेत. तर १२० रुग्ण पूर्णपणे बरे होऊन घरी परतले आहेत. पोर्टलवर गुरुवारी एकूण २७० बळी नोंदविले गेल्याने एकूण बळींच्या संख्येत मोठी वाढ होऊन ही संख्या तब्बल ५३७३ वर पोहोचली आहे.