शांतिगिरी महाराज यांना समाजरत्न पुरस्कार

शांतिगिरी महाराज यांना समाजरत्न पुरस्कार

ओझर : जनार्दनस्वामी मौनगिरीजी महाराज धर्मपीठाचे पीठाधिश्वर अध्यात्म शिरोमणी श्री श्री १००८ महामंडलेश्वर शांतिगिरीजी महाराज यांना कल्याण येथे बाळशास्त्री जांभेकर महाराष्ट्र राज्य पत्रकार संघटनेच्या वतीने राज्यस्तरीय ‘समाजरत्न’ पुरस्कार प्रदान करण्यात आला.  बाळशास्त्री जांभेकर महाराष्ट्र राज्य पत्रकार संघटनेच्या वतीने प्रतिवर्षी विविध क्षेत्रात भरीव कार्य करणाऱ्या सन्मानीय व्यक्तींना ‘समाजरत्न’ पुरस्कार प्रदान करण्यात येतो. शैक्षणिक क्षेत्रात भरीव कार्य केल्याबद्दल शांतिगिरीजी महाराज यांना बाळशास्त्री जांभेकर महाराष्ट्र राज्य पत्रकार संघटनेच्या वतीने ‘समाजरत्न’ पुरस्कार प्रदान करण्यात आला. यावेळी शांतिगिरीजी महाराजांनी आपल्याला मिळालेला ‘समाजरत्न’ पुरस्कार लगेचच जय बाबाजी भक्त परिवारास समर्पित करीत असल्याचे जाहीर केले. यावेळी बाळशास्त्री जांभेकर पत्रकार संघाच्या वतीने पत्रकार हिताचे विविध ठराव मांडण्यात आले.  पत्रकार संरक्षण कायदा मंजूर करण्यात यावा, पत्रकारांना मासिक वेतन कायदा लागू व्हावा, ज्येष्ठ पत्रकारांसाठी पेन्शन योजना, पत्रकार भवनासाठी राखीव भूखंड द्यावा तशी तरतूद शासनाने करावी यासंदर्भात वक्त्यांनी भाषणे केली. (वार्ताहर)