एस. एन. जे. बी महाविद्यालय सीईटी परीक्षा सेंटरला मान्यता

परीक्षा सेंटर सुरू झाल्यामुळे सर्व विषयांची सीईटी परीक्षा विद्यार्थ्यांना या ठिकाणी देता येईल. परीक्षेसाठी चांदवड हे मध्यवर्ती ठिकाण असल्याने चांदवड परिसरातील व कसमादे पट्ट्यातील विद्यार्थ्यांची या केंद्रामुळे मोठी सोय होणार असून विद्यार्थी व सोबत येणाऱ्या पालकांचा परीक्षेसाठी जिल्ह्याच्या ठिकाणी जाण्या-येण्याचा वेळ व खर्चही वाचणार आहे असे संस्थेच्या विश्वस्त समितीचे उपाध्यक्ष व समन्वयक दिनेशकुमार लोढा व झुंबरलाल भंडारी यांनी सांगितले .सदर परीक्षा सेंटर सुरू व्हावे यासाठी मागील तीन-चार वर्षांपासून शासनदरबारी पाठपुरवठा सुरु होता असे विश्वस्त समितीचे अध्यक्ष बेबीलाल संचेती यांनी सांगितले. विश्वस्त समितीचे सेक्रेटरी जवाहरलाल आबड, प्रबंध समितीचे अध्यक्ष अजितकुमार सुराणा, उपाध्यक्ष अरविंद भन्साळी तसेच समन्वयक सुनीलकुमार चोपडा आदींनी सदर सीईटी सेंटर मंजूर झाल्याबद्दल आनंद व्यक्त केला. सदर सेंटरवर कोविडच्या सर्व नियमांचे पालन करून सीईटी परीक्षा घेतली जाणार असून विद्यार्थ्यांना आवश्यक सोयी महाविद्यालयातर्फे उपलब्ध करून देण्यात येणार असल्याचे महाविद्यालयाचे प्राचार्य डॉ. एम.डी कोकाटे यांनी सांगितले. यासाठी उपप्राचार्य डॉ. एम. आर. संघवी यांच्या मार्गदर्शनाखाली प्रा. एस .एस .वडनेरे व कर्मचारी प्रयत्न करीत आहेत.