रोटरी क्लब नॉर्थचा पदग्रहण सोहळा

रोटरी क्लब नॉर्थचा पदग्रहण सोहळा

सातपूर : रोटरी क्लब नॉर्थच्या नूतन पदाधिकाऱ्यांचा पदग्रहण सोहळा उत्साहात पार पडला. गंगापूर गावाजवळील शंकराचार्य न्यास, कूर्तकोटी सभागृहात या पदग्रहण सोहळ्याचे आयोजन करण्यात आले होते. प्रमुख पाहुणे म्हणून व्यासपीठावर विनायक गोविलकर, नाशिक फर्स्टचे अध्यक्ष अभय कुलकर्णी, निमाचे माजी अध्यक्ष देवेंद्र बापट, मिलिंद जांबोटकर, नरेंद्र साबू, पंचवटी एज्युकेशनचे सरचिटणीस हसमुख पटेल, रंजना पाटील, वेणुगोपाल, डॉ. आवेश पलोड, चंदन सोनी, मीनल पलोड, तृप्ती सोनी आदि उपस्थित होते.रोटरी क्लब नॉर्थचे अध्यक्ष भावेश पटेल, सचिव मनीष ओबेरॉय आणि अन्य पदाधिकारी तसेच इनरव्हीलच्या अध्यक्ष मीनल पलोड व सचिव तृप्ती सोनी आणि पदाधिकाऱ्यांनी प्रमुख पाहुण्यांच्या उपस्थितीत पदग्रहण केले. यावेळी उर्विश पटेल, मेजर खोत, रमेश मेहर, नाना शेवाळे, डॉ. मंगेश जाधव, जयंत भिंगे, किरण सागोरे आदिंसह रोटरीचे सभासद मोठ्या संख्येने उपस्थित होते. रोटरीच्या माध्यमातून मोडाळे हे खेडे गाव दत्तक घेण्यात आले असून, या गावात रोटरीच्या शिक्षण, शेती, पाणी, स्वच्छता, आरोग्य आदि सोयीसुविधा मिळवून देण्यासाठी तज्ज्ञांचे मार्गदर्शन उपलब्ध करून दिले जाईल व एक आदर्श गाव बनविण्यासाठी प्रयत्न करण्यात येणार असल्याची माहिती नूतन अध्यक्ष भावेश पटेल यांनी यावेळी दिली. (वार्ताहर)