ताहाराबाद : येथील मोसम नदीवर बांधण्यात आलेल्या पुलाच्या कामाचे आठवड्याभरापूर्वीच नूतनीकरण करण्यात आले. मात्र सदर काम कमी दर्जाचे झाले असल्याकारणाने हा रस्ता उखडला गेला आहे. त्यामुळे या पुलावरून ये - जा करताना वाहनाना कसरत करावी लागत आहे. रात्रीच्या वेळी तर उखडला गेलेला रस्ता नीट लक्षात येत नसल्यामुळे वाहनधारकांची विशेषत: दुचाकीधारकांची ऐनवेळेस मोठी तारांबळ उडते. परिणामी छोटे - मोठे अपघात येथे घडत आहेत. त्यामुळे संबंधित उखडलेल्या रस्त्याची पुन्हा दुरुस्ती करण्यात यावी, अशी मागणी वाहनचालक व येथील ग्रामस्थांकडून करण्यात येत आहे.
ताहाराबाद मोसम नदीवरील पुलाचे रस्ता काम उखडले
By admin | Updated: October 31, 2014 22:58 IST