दीपक विजयप्रकाश मिश्रा (२४, रा. सह्याद्रीनगर) हा त्याचा मित्र वैभव शिंगाडे, अक्षय पाटीलसोबत विल्होळी येथील एका हॉटेलमध्ये जेवणासाठी गेला होता. त्यावेळी दीपक याने शिंगाडे यास जास्त मद्य पिऊ नको, असे सांगितले असता त्याचा त्याला रा. आल्याने त्याने दीपक यांचा जेवणाचा टेबल भिरकावून दिला. यावरून दीपक व त्याचे मित्र हॉटेल सोडून माघारी परतले. मात्र दुपारी साडेचार वाजेच्या दरम्यान संभाजी स्टेडियम येथे दीपक फेरफटका मारत असताना संशयित वैभव, अक्षय व त्याच्या साथीदारांनी भांडणाची कुरापत काढून दीपकला लाकडी बॅट व स्टम्पने मारहाण करून गंभीर जखमी केले. याप्रकरणी अंबड पोलीस ठाण्यात गुन्हा दाखल करण्यात आला आहे.
------
ट्रकच्या धडकेत दुचाकीस्वार जखमी
नाशिक : पंचवटीतील पेठराेडवर भरधाव ट्रक चालविणाऱ्या चालकाचा ट्रकवरील ताबा सुटल्याने ट्रकची दुचाकीला धडक बसली. या धडकेत दुचाकीस्वार गंभीर जखमी झाला आहे. याप्रकरणी म्हसरूळ पोलीस ठाण्यात गुन्हा दाखल करण्यात आला आहे.
ट्रकचालक बबलू विश्राम पवार (रा.जि. मंडूसर, मध्यप्रदेश) हा त्याचा ट्रक (एमएच 46 बीएफ ३६२५) पेठरोडकडून भरधाव चालवीत होता. यावेळी समोरून येणाऱ्या दुचाकीला (एमएच १५ सीवाय ७६५६) त्याने धडक दिली. दुचाकीचालक रमेश संजय गावित (रा. मु. अंबाने, ता. दिंडोरी) हे गंभीर जखमी झाले. याप्रकरणी म्हसरूळ पोलीस ठाण्यात गुन्हा दाखल करण्यात आला आहे.
-------
विषारी औषध पिऊन आत्महत्या
नाशिक : तिडके कॉलनीत एकाने घरात विषारी औषध सेवन करून आत्महत्या केली. किसन नामदेव साळुंके (५५, रा. नेहवर्धिनी सोसायटी, तिडके कॉलनी, नाशिक) असे मृताचे नाव असून आत्महत्येचे कारण समजलेले नाही.
साळुंके यांनी विषारी औषध सेवन केल्यावर त्यांना उपचारासाठी जिल्हा रुग्णालयात दाखल करण्यात आले. उपचारादरम्यान त्यांचा मृत्यू झाला. याप्रकरणी मुंबई नाका पोलिस ठाण्यात नोंद करण्यात आली आहे.