शेतीपंपासाठी होणारा वीजपुरवठा हा अतिशय कमी दाबाने होत असल्यामुळे पंप जळणे, स्टार्टर चालू न होणे , पाणी कमी उचलणे, केबल जळणे, ट्रान्सफार्मर जळणे अशा समस्यांना सामोरे जावे लागत आहे . त्यामुळे शेतकरी त्रस्त झाले आहेत. कांदा पीक काढणीला आले असून पाणीपुरवठा सुरळीत नसल्याने तो आता जळण्याच्या मार्गावर आहे. महावितरणने वीजपुरवठा लवकरात लवकर सुरळीत करून शेतकऱ्यांना दिलासा द्यावा. अन्यथा शेतकरी रस्त्यावर उतरून आंदोलन छेडतील तसेच उपकेंद्राला टाळे ठोकू असे शेतकऱ्यांनी महावितरण कंपनीला दिलेल्या निवेदनात म्हटले आहे. महावितरण कंपनीने वीजपुरवठा सुरळीत करावा अशी मागणी केली जात आहे.
निवेदनावर जितेंद्र पवार, तुषार पवार, गोकुळ नंदाळे, राम गायकवाड, दीपक शेवाळे, गोकुळ सोनवणे, रवींद्र पवार, अण्णा आहिरे, भिमा सोनवणे, दत्तू पवार, वसंत शेवाळे, निलेश पवार, अशोक पवार आदींच्या स्वाक्षऱ्या आहेत.