सटाणा मर्चंट्स को-ऑप बँकेच्या सभागृहात आयोजित पत्रकार परिषदेत माहिती देताना अध्यक्ष कैलास येवला यांनी सांगितले, कोविड-१९ महामारीमुळे गेल्या दोन वर्षांपासून बाजारात मंदी निर्माण झाली आहे. लॉकडाऊनमुळे व्यापार, उद्योग, व्यवसायाला घरघर लागली आहे. व्यापार, व्यवसायासाठी अनेकांनी बँकेची कर्ज काढलेली असताना लॉकडाऊनमुळे बँक व कर्जदाराची मोठी हानी झालेली आहे. थकबाकीचे आकडे फुगू लागले आहेत.
बाजारात व्यवसाय नसल्याने व्यापारी हतबल झाले आहेत. या पार्श्वभूमीवर व्यवसाय, व्यापार, उद्योगांना चालना मिळावी, यासाठी समको बँक संचालक मंडळाने आपल्या कर्ज व्याजदरात मोठी कपात केली आहे. पत्रकार परिषदेस उपाध्यक्ष कल्पना येवला, संचालिका रूपाली कोठावदे, संचालक पंकज ततार, जयवंत येवला, शरद सोनवणे, दिलीप चव्हाण, जगदीश मुडवरे, प्रवीण बागड, प्रकाश सोनग्रा, तुषार खैरनार, मुख्य कार्यकारी अधिकारी देविदास बागडे आदी उपस्थित होते.
इन्फो
१० लाखांपर्यंत कॅश क्रेडिट
दोन लाख रुपयांपर्यंत १३ टक्के, तर २ लाखांपुढील रकमेसाठी ११ टक्के व्याजदर ठेवण्यात आला आहे. सोने तारण कर्जाच्या व्याजदरातदेखील ९.५० टक्के दर ठेवण्यात आला असून १० लाखांपर्यंत कॅश क्रेडिटची सुविधा उपलब्ध केली आहे. चारचाकी वाहनांसाठी ९.५० टक्के व्याजदर आकारला जाणार असल्याची माहितीही येवला यांनी दिली.
फोटो- १७ कैलास येवला
===Photopath===
170621\17nsk_19_17062021_13.jpg
===Caption===
फोटो- १७ कैलास येवला