नांदूरशिंगोटे : दोडी खुर्दच्या सरपंचपदी रमेश खंडू आव्हाड तर उपसरपंचपदी जयश्री दिगंबर गोसावी यांची निवड झाली. सरपंच, उपसरपंच निवडीसाठी मंडळ अधिकारी तथा निवडणूक निर्णय अधिकारी पी. बी. शिरसाठ यांच्या अध्यक्षतेखाली विशेष बैठक झाली. निर्धारित वेळेत सरपंचपदासाठी रमेश आव्हाड यांचा एकमेव अर्ज दाखल झाला. तर उपसरपंच पदासाठी जयश्री गोसावी व सुनिता गोफणे यांनी अर्ज दाखल केला. उपसरपंच पदासाठी दोन अर्ज आल्याने निवडणूक प्रक्रिया राबविण्यात आली. ९ सदस्यांनी मतदानात सहभाग घेतला. गोसावी यांना सहा, तर गोफणे यांना केवळ तीन मते मिळाल्याने गोसावी यांची उपसरपंचपदी निवड झाली.
बैठकीस ग्रामपंचायत सदस्य विष्णू साबळे, नवनाथ माळी, संदीप आव्हाड, मनीषा सगळे, लता रूपवते, ज्योती आव्हाड उपस्थित होते. याप्रसंगी आबाजी आव्हाड, दामोधर कांगणे, एकनाथ कांगणे, संतू आव्हाड, गणपत आव्हाड, विजय आव्हाड, साहेबराव कांगणे आदींच्या उपस्थितीत नवनिर्वाचित पदाधिकाऱ्यांचा सत्कार करण्यात आला.
-----------
दोडी खुर्दच्या सरपंचपदी रमेश खंडू आव्हाड तर उपसरपंचपदी जयश्री दिगंबर गोसावी यांची निवड झाल्यानतंर आनंदोत्सव साजरा करताना पदाधिकारी व कार्यकर्ते. (०४ दोडी खुर्द)
===Photopath===
040321\04nsk_21_04032021_13.jpg
===Caption===
०४ दोडी खूर्द