या संदर्भात आयोजित पत्रकार परिषदेत बोलताना नगराध्यक्ष सुनील मोरे म्हणाले, की सटाणा शहराच्या मध्यवर्ती ठिकाणी असलेल्या जागेवर विविध सामाजिक कार्यक्रमांसाठी सुमारे ७५ लक्ष रुपये खर्च करून उभारण्यात येत असलेल्या डॉ. आंबेडकर सामाजिक सभागृहाचा भूमिपूजन सोहळा व शहरातील बाजारपेठेतील शहराच्या वैभवात भर घालणा-या हुतात्मा स्मारकाचा लोकार्पण सोहळा शुक्रवारी सायंकाळी ४ वा. संपन्न होत आहे. या समारंभाचे अध्यक्षस्थान खासदार डॉ. सुभाष भामरे हे भूषविणार असून प्रमुख अतिथी म्हणून पालकमंत्री छगन भुजबळ, आमदार दिलीप बोरसे व आरपीआय जिल्हाध्यक्ष प्रकाश लोंढे हे उपस्थित राहणार आहेत.
येथील दगाजी चित्रमंदिरात होणाऱ्या कार्यक्रमास उपस्थित राहण्याचे आवाहन करण्यात आले आहे.
यावेळी
उपनगराध्यक्ष दीपक पाकळे, गटनेते राकेश खैरनार, महेश देवरे, काकाजी सोनवणे, दिनकर सोनवणे, सभापती राहुल पाटील, संगीता देवरे, शमा मन्सुुरी, सुवर्णा नंदाळे, नगरसेवक बाळू बागुल, सुनीता मोरकर, पुष्पा सूर्यवंशी, सोनाली बैताडे, निर्मला भदाणे, आरिफ शेख, आशा भामरे, रूपाली सोनवणे, भारती सूर्यवंशी, सुरेखा बच्छाव, शमीम मुल्ला, डॉ. विद्या सोनवणे, मनोहर देवरे, मुख्याधिकारी हेमलता डगळे उपस्थित होते.