बाजार समितीत येणाऱ्या मालाची वाहने महामार्गापर्यंत लागत असल्याने वाढत्या उष्णतेने अचानक टोमॅटोची वाढलेली आवक की बाजार समितीच्या नियोजनाचा अभाव, असा प्रश्न शेतकरी व सर्वसामान्य नागरिकांना भेडसावत आहे.
गेल्या चार-पाच दिवसांपासून टोमॅटोची अचानक मोठ्या प्रमाणात आवक वाढल्याने बाजार समितीत येणाऱ्या वाहनांचीही मोठ्या प्रमाणात वर्दळ वाढली आहे तसेच टोमॅटो व अन्य कृषिमालाच्या वाहनांच्या रांगा शहरातील प्रमुख रस्त्यावर वाढू लागल्याने बाजार समिती ते किनारा हॉटेल महामार्गादरम्यान दुपारच्या सत्रात ट्रॅफिक जॅमची समस्या निर्माण होत आहे.
यामुळे शेतकरीवर्ग व वाहनचालकही कमालीचे त्रस्त झाले आहेत. भरउन्हात वाहने रस्त्यावर उभी राहणे, उन्हामुळे टोमॅटोसह अन्य पिकांचा दर्जा घसरणे, उन्हामुळे वाहनचालक व शेतकरी घामाघूम होणे अशा अनेक समस्या भेडसावू लागल्या आहेत. बाजार समिती प्रशासन व पोलीस प्रशासनानेही संयुक्तपणे धोरण ठरवून वाहतूक कोंडी होणार नाही याबाबत उपाययोजना कराव्यात, अशी मागणी शेतकरी व ग्रामस्थ यांच्याकडून होत आहे.
इन्फो
प्रवाशांचीही गैरसोय
वाहनांच्या या रंगांमुळे घोटी बसस्थानकात येणाऱ्या व जाणाऱ्या बसेसलाही खोळंबा होऊ लागल्याने बसेस मधील प्रवाशांना महामार्गाजवळ उतरून पायी घोटीत यावे लागत आहे तसेच बसस्थानकातील प्रवाशांनाही ओझे घेऊन दूरवर बसेसपर्यंत धावाधाव करावी लागत आहे.
फोटो- १८ घोटी मार्केट
घोटी कृषी उत्पन्न बाजार समितीबाहेर रस्त्यांवर शेतमालाच्या वाहनांची लागलेली रांग.
===Photopath===
180321\18nsk_25_18032021_13.jpg
===Caption===
फोटो- १८ घोटी मार्केट घोटी कृषी उत्पन्न बाजार समितीबाहेर रस्त्यांवर शेतमालाच्या वाहनांची लागलेली रांग.