विद्यमानांना धक्का; इच्छुकांना झटका

नाशिकरोड : पक्षांतर्गत चढाओढ; काही माजी नगरसेवकांना संधी

मनोज मालपाणी  नाशिकरोडमनपा प्रभागाच्या नवीन आरक्षण सोडतीनुसार नाशिकरोड विभागात सहा प्रभाग झाले असून, एकने नगरसेवकांची संख्या कमी होऊन २३ नगरसेवक राहणार आहेत. नवीन आरक्षणामुळे नगरसेवक सुनील वाघ, ललिता भालेराव, महिन्याभरापूर्वी पोटनिवडणुकीत निवडून आलेल्या सुनंदा मोरे अडचणीत आले आहेत. नवीन प्रभाग क्रमांक १७ मध्ये सध्याचा प्रभाग ३२ व ३६ चा बहुतांश भाग आला असून, प्रभाग ३३ व उपनगर इच्छामणी मंदिर परिसराचा काही भाग समाविष्ट करण्यात आला आहे. प्रभाग १७ (अ) अनुसूचित जाती, (ब) नागरिकांचा मागसवर्ग प्रवर्ग महिला, (क) सर्वसाधारण महिला, (ड) सर्वसाधारण असे आरक्षण झाले आहे. त्यामुळे विद्यमान नगरसेवक शैलेश ढगे, कमल आढाव यांची अडचण दूर झाली आहे. अनुसूचित जाती असे आरक्षण झाल्याने विद्यमान नगरसेविका ललिता भालेराव यांची अडचण झाली असली तरी त्यांचे पती व माजी नगरसेवक संजय भालेराव यांचा मार्ग मोकळा झाला आहे. जेलरोड प्रभाग १८जेलरोडचा नवीन प्रभाग क्रमांक १८ मध्ये प्रभाग ३५ व ३३ बहुतांश भाग आला असून, आजूबाजूच्या प्रभागांचा थोडासा भाग समाविष्ट करण्यात आला आहे. प्रभाग १८ (अ) अनुसूचित जाती (ब) नागरिाकांचा मागासवर्ग प्रवर्ग महिला, (क) सर्वसाधारण महिला (ड) सर्वसाधारण असे आरक्षण झाले आहे. आरक्षणानुसार नगरसेवक अशोक सातभाई रंजना बोराडे, पवन पवार, पोटनिवडणूकीत निवडून आलेल्या मंदाबाई ढिकले यांचा मार्ग खुला झाला आहे. रेल्वेपलीकडचा प्रभाग १९नाशिकरोड रेल्वेलाइनपलीकडील पूर्वभागातील गोरेवाडी, चेहेडी, चाढेगाव, सिन्नरफाटा, चेहेडी पंपिंग, गावठाण व मळे परिसर मिळून प्रभाग १९ ची रचना करण्यात आली आहे. यामध्ये सध्याच्या प्रभाग ३४ व ५७ चा बहुतेक भाग समाविष्ट करण्यात आला आहे. लोकसंख्या व प्रभाग संख्येनुसार या प्रभागात त्रिसदस्य राहणार आहे. प्रभाग १९ (अ) अनुसूचित जाती, (ब) नागरिकांचा मागासवर्ग प्रवर्ग महिला, (क) सर्वसाधारण असे आरक्षण जाहीर झाले आहे. आरक्षणानुसार विद्यमान नगरसेवक कन्हैया साळवे, वैशाली भागवत हरीष भडांगे, शोभा आवारे हे निवडणूक लढू शकतात. प्रभाग क्रमांक २० नवीन प्रभाग क्रमांक २० मध्ये सध्याच्या प्रभाग ५६ चा मोठा भाग आला असून त्याबरोबर प्रभाग ५९,३६,५५ व ३५ चा कमी जास्त भाग समाविष्ट करण्यात आला आहे. प्रभाग २० (अ) अनुसूचित जाती, (ब) नागरिकांचा मागासवर्ग प्रवर्ग महिला (क) सर्वसाधारण महिला (ड) सर्वसाधारण असे आरक्षण पडले आहे. नगरसेवक संभाजी मोरुस्कर, सविता दलवाणी यांना निवडणूक लढविण्यास अडचण निर्माण झालेली नाही.