विठ्ठल-रुक्मिणी मंदिरात प्राणप्रतिष्ठा

विठ्ठल-रुक्मिणी मंदिरात प्राणप्रतिष्ठा

मालेगाव : येथील टीव्ही सेंटर भागातील श्री विठ्ठल-रुक्मिणी मंदिरात गुरुवारी (दि. १७) प्राणप्रतिष्ठा सोहळा आयोजित करण्यात आला आहे. गुरुवारी सकाळी ९ वाजता शोभायात्रेने सोहळ्यास सुरुवात होणार आहे. रविवारपर्यंत (दि. २०) चालणाऱ्या या सोहळ्यात शुक्रवारी सकाळी ८ ते १ होमहवन, दुपारी ३ ते ७ व रात्री ९ वा. भजन, शनिवारी सकाळी पूजापाठ, होमहवन, रात्री येवला येथील निवृत्ती ठाणगावकर यांचे कीर्तन, रविवारी सकाळी पूजा व मूर्तीची प्राणप्रतिष्ठा होऊन दुपारी १ ते ४ महाप्रसादाने उत्सवाची सांगता होईल. सदर कार्यक्रमाचा लाभ घेण्याचे आवाहन आयोजकांनी केले आहे.