लोकमत न्यूज नेटवर्कनाशिक : पंचवटीतील मालेगाव स्टॅण्ड परिसरात सुरू असलेल्या जुगार अड्ड्यावर सोमवारी (दि़१०) सायंकाळी गुन्हे शाखेने छापा टाकला़ यामध्ये नऊ जुगाऱ्यांना ताब्यात घेण्यात आले असून, त्यांच्याकडून दहा हजार रुपयांची रोकड व जुगाराचे साहित्य जप्त करण्यात आले आहे़मालेगाव स्टॅण्ड परिसरात जुगार अड्डे जोमाने सुरू असून, स्थानिक पोलीस मात्र यापासून अनभिज्ञ आहेत़ या जुगार अड्ड्यांबाबत शहर गुन्हे शाखेस माहिती मिळताच सायंकाळच्या सुमारास या अड्ड्यावर छापा टाकण्यात आला़ यावेळी संशयित योगेश कांबळे व त्याचे आठ साथीदार पत्त्यावर तिरट नावाचा जुगार खेळत होते़ त्यांच्याकडून दहा हजार ६३० रुपये रोख व जुगाराचे साहित्य जप्त करण्यात आले आहे़याप्रकरणी पंचवटी पोलीस ठाण्यात मुंबई जुगार कायद्यान्वये गुन्हा दाखल करण्यात आला आहे.
पंचवटीतील जुगार अड्ड्यावर पोलिसांचा छापा
By admin | Updated: July 11, 2017 18:26 IST