नाशिक : दुचाकीने दिलेल्या धडकेत पायी जाणाऱ्या युवकाचा मृत्यू झाल्याची घटना आडगाव शिवारात घडली आहे़पोलिसांनी दिलेल्या माहितीनुसार ओढा येथील रमेश छबू कहांडळ हा युवक गुरुवारी रात्री नऊ वाजेच्या सुमारास आडगाव रस्त्याने दुचाकीवरून (एमएच १५, ईएल ३८२१) भरधाव जात होता़ तो आडगाव शिवारातील हॉटेल पंजाबजवळ आला असता त्याने पायी जाणाऱ्या असलम मकसुद आलम (३२, रा़ रांची, झारखंड) यास जोरदार धडक दिली़ या धडकेमध्ये असमल आलमचा मृत्यू झाला़ या प्रकरणी महेंद्रसिंग राजपूत यांनी दिलेल्या फिर्यादीनुसार आडगाव पोलीस ठाण्यात कहांडळवर अपघाताचा गुन्हा दाखल करण्यात आला आहे़ (प्रतिनिधी)
दुचाकीच्या धडकेत पादचारी ठार
By admin | Updated: September 14, 2014 00:50 IST