ओझरला आढळला दुर्मीळ ‘अल्बीनो’ तस्कर जातीचा साप

------------------------

अल्बीनो साप इतर सापांच्या रंगापेक्षा वेगळा असतो. इतर सापांना जसे रंग आहेत, तसा हा साप रंगहीन असून, तो पांढऱ्या रंगाचा असतो, तसेच डोळे लाल रंगाचे असतात. माणसांना ज्या प्रमाणे कोड असते, तसेच प्राण्यांच्या बाबतीत तोच प्रकार लागू होतो. यात सापही त्याला अपवाद नाही.

------------------

अलबिनीझम हा रंगाचा अभाव असल्याने होतो आणि हे गुणसूत्रांमध्ये बदल आल्याने होत असते.

त्यामुळेच असे अल्बीनो प्राणी जन्माला येत असतात. त्यांचा रंग नैसर्गिक नसल्याने ते निसर्गात जास्त दिवस जगू शकत नाहीत, पण काही साप अल्बीनो असूनही मोठे झालेले निदर्शनास आले आहे.

- डॉ.वरद गिरी, भारतीय सरीसृप व उभयचर तज्ज्ञ, बॉम्बे नॅचरल हिस्ट्री सोसायटी उपसंचालक.

----------

रंगाने जन्मतः अलबिनीझम (कोड) असलेल्या माणसांना जसे उन्हात गेल्यास त्रास होतो, त्याचप्रमाणे अल्बीनो सापाला ही उन्हाचा त्रास होतो, यामुळे अशा सापांना निसर्गात जगणे कठीण होत असते, पण हा साप जवळपास दीड फूट लांबीपर्यंत वाढला, हे विशेष.

- सुशांत रणशूर, वन्यजीव अभ्यासक, ओझर. (२० ओझर)

===Photopath===

200321\20nsk_2_20032021_13.jpg

===Caption===

२० ओझर