नाशिककरांच्या दुचाकी वर्दळीच्या ठिकाणे असो की, स्वत:च्या घराच्या इमारतींचे वाहनतळ असो, कोठेही सुरक्षित राहिल्याचे चित्र सध्या दिसत नाही. लॉकडाऊन शिथिल होताच, शहरात दुचाकी चोरांनी धडाकाच लावला. चालू वर्षाच्या अखेरच्या तीन महिन्यांमध्ये दुचाकीचोरीचे प्रमाण अधिक राहिले. शहरात दररोज एक तरी पोलीस ठाण्यात दुचाकी लांबविल्याच्या तक्रारी दाखल होतात. दरदिवशी शहरात कमीतकमी दोन तर जास्तीतजास्त पाच दुचाकी गायब होत आहेत. दुचाकीचोरीचा सिलसिला हा अचानकपणे वाढल्याने नाशिकरांमध्ये आश्चर्य व्यक्त होत आहे.
शहरातील जिल्हा शासकीय रुग्णालय, भाजी बाजार, गोदाकाठ परिसर, मॉल यांसारख्या गजबजलेल्या ठिकाणांसह रहिवाशांच्या इमारतींच्या वाहनतळांमधूनही दुचाकी लांबविण्याचेही धाडस चोरट्यांकडून करण्यात आले आहे. दुचाकी चोरीची मालिका एका बाजूला सुरू असताना, दुसरीकडे मात्र दुचाकीचोरांचा मागमूस लावण्यास पोलिसांना अपयश येत आहे. गुन्हे शाखा वगळता, सर्वच पोलीस ठाण्याची गुन्हे शोध पथकांना मात्र दुचाकीचोरांचा माग काढणे शक्य होत नसल्याने संताप व्यक्त होत आहे.
---इन्फो---
गाड्यांची पुन्हा विक्री
चोरी केलेल्या दुचाकींचा मूळ क्रमांक व चेसी क्रमांकासोबत छेडछाड करून रंग बदलून, त्या गाड्यांनी पुन्हा चोरट्यांकडून कमी किमतीत विक्री केली जाते, तसेच परजिल्ह्यात दुचाकी विक्रीचा ‘काळा बाजार’ दिवसेंदिवस व्यापक स्वरूप धारण करत आहे. दुचाकीचोरांची साखळी लॉकडाऊननंतर अधिकच भक्कम झाल्याचे दिसते.
--इन्फो--
एक टोळी गजाआड
गुन्हे शाखेच्या युनिट-१च्या पथकाने नुकतीच आंतरजिल्हास्तरावर सक्रिय असलेल्या दुचाकी चोरांच्या एका टोळीच्या मालेगावातून मुसक्या बांधल्या आहेत. या चोरट्यांकडून शहरातील जुने नाशिक भागात चोरी केलेल्या दुचाकींचे गुन्हे उघडकीस आले असून, तीन दुचाकी जप्त करण्यात आल्या आहेत.
---
पॉइंटर्स : - ३९० दुचाकी वर्षभरात चोरीला
६१ दुचाकींचा वर्षभरात लागला शोध
-----
फोटो : २८बाइक नावाने फोटो सेव्ह आर वर.
डमी फॉरमेट आर वर २८स्टोलन बाईक नावाने सेवी्ह आहे.