कोरोनाच्या तिसऱ्या लाटेला थोपविण्यासाठी वैद्यकीय व्यवसायिकांनी त्रिसूत्री मांडली. त्यानुसार पालक, प्रौढ नागरिक आणि शिक्षक यांचे लसीकरण तातडीने पूर्ण करावे, दुसरी बाब म्हणजे बालकांच्या कोविडवरील उपचारासाठी लागणारी औषधे आणि व्हेंटिलेटर्सची आताच मागणी नोंदवून ठेवावी तसेच पुरेशा ऑक्सिजनची सोय करावी जेणेकरून ऐनवेळी संकट येणार नाही तसेच औषधांची टंचाई होणार नाही त्याचप्रमाणे आधी यासंदर्भात जनजागृती करावी अशाप्रकारची मागणी व्यवसायिकांनी केली. महापौर सतीश कुलकर्णी यांनी महापालिकेकडून पुरेशा औषध साठ्याची व्यवस्था करताना कोरोना कसा टाळता येईल तसेच भीतीचे वातावरण घालवण्यासाठी हेल्पलाईन सुरू करण्यात येणार असल्याचे सांगितले. कोरोनाबाधितांवर उपचार करताना कोविड आणि नॉन कोविड असे दोन भाग करावेत, असे त्यानुसार नियोजन करावे, असे सांगितले तर डॉ. बापूसाहेब नागरगोजे यांनी बालकांवर उपचार करणाऱ्या वैद्यकीय सेवकांना प्रशिक्षण देण्याची गरज असल्याचे सांगितले.
या बैठकीस आयएमएच्या सेक्रेटरी कविता गाडेकर, बालरोगतज्ज्ञ संघटनेच्या सेक्रेटरी डॉ. रिना राठी, डॉ. रमाकांत पाटील, डॉ. मिलिंद भराडिया, डॉ. सागर सोनवणे, डॉ. संजय आहेर, डॉ. नितीन सुराणा, डॉ. श्रेयस गायधनी डॉ. अमोल कुलकर्णी, डॉ. नवीन बाजी, डॉ. शलाका बागुल, डॉ. ललित बागुल, डॉ. विनोद पावस्कर आदी उपस्थित होते.
कोट...
लहान मुलांना कोरोना होऊच नये यासाठी महापालिकेच्या मार्गदर्शन करण्यासाठी हेल्पलाईन सुरू करण्यात येणार आहे तसेच खासगी रुग्णालयांना सहकार्य करण्यात येणार आहे.
- सतीश कुलकर्णी,महापौर
कोट..
सध्या बाल रुग्णालयात सहाशे बेडस उपलब्ध आहेत. मात्र, कोविड रुग्णालय सुरू करताना महापालिकेने परवानगीची प्रक्रिया सुलभ करावी यासह काही सूचना बालरोगतज्ज्ञांनी केल्या आहेत.
- डॉ. हेमंत सोननीस, अध्यक्ष आयएए, नाशिक
------
छायाचित्र आर फोटोवर १४ एनएमसी...कोरोनाच्या तिसऱ्या संभाव्य लाटेबाबत बालरोग तज्ज्ञांच्या बैठकीत बोलताना महापौर सतीश कुलकर्णी.