निष्ठावंतांनाच संधी- सकाळे

दिवसभर रंगले भेटी-गाठीचे नाट्य जिल्हा परिषद अध्यक्ष निवडणूक;

  नाशिक : जिल्हा परिषद अध्यक्ष व उपाध्यक्ष निवडणुकीला अवघे तीन आठवडे बाकी असल्याने जिल्हा परिषदेत इच्छुकांची घालमेल वाढली आहे. त्यातच कॉँग्रेस व राष्ट्रवादीतील संबंधितांनी विद्यमान पदाधिकाऱ्यांबरोबरच विरोधी गटनेत्यांच्याही भेटी-गाठी घेतल्याचे समजते. दरम्यान, कॉँग्रेसचे गटनेते व विद्यमान उपाध्यक्ष संपतराव सकाळे यांनी कॉँग्रेसकडून उपाध्यक्ष पदाचा उमेवार ठरविताना सर्व सदस्यांची मते आजमावून व लोकसभेतील संबंधितांची कामगिरी पाहूनच निष्ठावान कॉँग्रेसजनांना संधी देण्याबाबत जिल्हाध्यक्षांना व वरिष्ठांना अहवाल पाठविण्यात येणार असल्याचे सांगितले आहे. संपतराव सकाळे यांना कॉँग्रेसकडून इच्छुक असलेल्या दोन सदस्यांनी भेटून आपापल्या परिने दावा सांगितल्याचे समजते.