उमराणेत कांद्याला ११११ रुपये भाव

उमराणेत कांद्याला ११११ रुपये भाव

उमराणे : येथील कृषी उत्पन्न बाजार समितीत हंगामातील लाल कांदा विक्रीस दाखल झाला असून, त्यात कांद्याला ११११ रुपये भाव मिळाला आहे. लाल कांदा विक्रीस दाखल झाल्याने बाजार समितीतर्फे कांदा मालाचे पूजन करण्यात आले. तसेच कांदा उत्पादक शेतकऱ्यांचा सत्कार करण्यात आला. बाजार समितीत दसऱ्याच्या मुहूर्तावर लाल कांदा खरेदी-विक्रीचा शुभारंभ करण्यात येतो. परंतु यंदा १५ दिवसआधीच चांदवड तालुक्यातील कोकणखेडे येथील पोपट खैरनार या शेतकऱ्याने कांदा विक्रीसाठी आणला. यावेळी बाजार समितीचे संचालक संजय देवरे यांच्या हस्ते लाल कांद्याचे पूजन करण्यात आले. व्यापारी संजय देवरे यांनी ११११ रुपये प्रतिक्विंटल दराने कांदा खरेदी केला. यावेळी व्यापारी असोसिएशनचे अध्यक्ष खंडू देवरे, उपाध्यक्ष प्रवीण बाफना, संदेश बाफना, साहेबराव देवरे, शैलेश देवरे, कैलास देवरे, भावेश बाफना, रामदास गायकवाड, रवि देवरे, नितीन जाधव आदि उपस्थित होते. (वार्ताहर)