रस्ता दुरुस्ती, रुंदीकरणासाठी कांदा उत्पादक संघटनेचे साकडे

सिन्नर तालुक्यातील उत्तर भागातील नायगाव, जोगलटेंभी, सोनिगरी, ब्राह्मणवाडे, वडझिरे, देशवंडी, जायगाव आदी गावांमधील कांदा उत्पादक शेतकऱ्यांना सिन्नर कृषी उत्पन्न बाजार समितीत आपला कांदा विक्रीसाठी ट्रॅक्टर व पिकअप या वाहनांमधून घेऊन येत असतांना तसेच या भागातील नागरिकांनाही सिन्नरकडे ये-जा करत असताना सदर खराब रस्त्यामुळे प्रवास करतांना मोठ्या अडचणीला सामोरे जावे लागत आहे. रस्ता अरुंद असल्याने आणायची रहदारी वाढल्याने मागील काही महिन्यांमध्ये अनेकांना अपघातामुळे नाहक प्राण गमवावे लागले आहे. तर काही लोकांना कायमचे अपंगत्व आलेले आहे. या रस्त्यावरून सिन्नर व निफाड या दोन तालुक्यांना जोडणाऱ्या गावांच्या नागरिकांची तसेच एकलहरे येथील औष्णिक वीज केंद्रातून राखेची वाहतूक करणाऱ्या काही अवजड वाहनांमुळे तसेच नाशिक जिल्ह्यातील निफाड व नाशिक सहकारी साखर कारखाने बंद असल्याने या भागातील ऊस उत्पादकांचा ऊस नगर जिल्ह्यातील साखर कारखान्यांना पोहचण्यासाठी याच रस्त्याचा वापर होत आहे. गेल्या पंचवीस वर्षात एकदाही थेट सिन्नर ते नायगाव १३ किलोमीटरच्या या संपूर्ण रस्त्याचे एकाच वेळेस काम झालेले नाही. शेकडो छोट्या-मोठ्या वाहनांची दिवस-रात्र या रस्त्याने वाहतूक होत असल्याने तसेच माळेगाव एमआयडीसी येथून निफाड, मालेगाव, नांदगाव, लासलगाव, मनमाड आदी ठिकाणच्या वाहनांची मोठ्या प्रमाणात ये-जा होत असल्याने व हा रस्ता खूपच अरुंद असल्याने व या रस्त्यावर व साईड पट्ट्यांवरही खड्डे पडलेले आहेत. सदर रस्त्याचे तत्काळ रुंदीकरणाससह दुरुस्ती करावी, अशी मागणी महाराष्ट्र राज्य कांदा उत्पादक शेतकरी संघटनेच्या माध्यमातून तहसीलदार राहुल कोताडे यांच्याकडे निवेदनाद्वारे करण्यात आली.

यावेळी महाराष्ट्र राज्य कांदा उत्पादक शेतकरी संघटनेचे संस्थापक अध्यक्ष भारत दिघोळे, जायगावचे माजी उपसरपंच कैलास गिते, विद्यमान ग्रामपंचायत सदस्य अतुल गिते तसेच सुभाष दिघोळे रामराव दिघोळे आदी ग्रामस्थ उपस्थित होते.

फोटो : २१नायगाव१

सिन्नर- नायगाव या रस्त्याच्या रुंदीकरणाच्या मागणीचे निवेदन तहसीलदार राहुल कोताडे यांना देतांना महाराष्ट्र राज्य कांदा उत्पादक शेतकरी संघटनेचे संस्थापक अध्यक्ष भारत दिघोळे. समवेत अतुल गिते सुभाष दिघोळे, कैलास गिते, रामराव दिघोळे आदि.

===Photopath===

210321\21nsk_9_21032021_13.jpg

===Caption===

सिन्नर- नायगाव या रस्त्याच्या रुंदीकरणाच्या मागणीचे निवेदन तहसीलदार राहुल कोताडे यांना देतांना महाराष्ट्र राज्य कांदा उत्पादक शेतकरी संघटनेचे संस्थापक अध्यक्ष भारत दिघोळे. समवेत अतुल गिते सुभाष दिघोळे, कैलास गिते, रामराव दिघोळे आदि.