पंचवटी : म्हसरुळ पोलीस ठाण्याच्या हद्दीतील मखमलाबाद मातोरी रस्त्यावर असलेल्या हेंगडे मळ्यासमोर भरधाव वेगाने जाणारी दुचाकी रस्त्याच्या कडेला असलेल्या झाडावर आदळून झालेल्या अपघातात एक जण ठार तर आणखी एक जण जखमी झाला आहे.
पोलिसांनी दिलेल्या माहितीनुसार, मातोरी येथे राहणारे शरद गांगुर्डे व रामचंद्र भानुदास तांदळे असे दोघेजण गुरुवारी (दि.२४) रात्री साडेदहा वाजेच्या सुमारास दुचाकीवरून ( एमएच १५ एच जे ११२४) मखमलाबाद गावाकडून मातोरी गाव रस्त्याने जात असताना जांब ओहळ हेंगडे मळ्याजवळ दुचाकीचे नियंत्रण सुटल्याने दुचाकी रस्त्याच्या डाव्या बाजूला असलेल्या झाडावर आदळली. या अपघातात गांगुर्डे व तांदळे असे दोघेही जखमी झाले. यातील शरद गांगुर्डे यांना गंभीर दुखापत झाल्याने त्यांचा या अपघातात मृत्यू झाला.