नाशिक - कोरोनाच्या तिसऱ्या संभाव्य लाटेत मुलांना त्रास होण्याची शक्यता वर्तवली जात असून त्या पाश्व'भूमीवर इंडीया सिक्युरीटी प्रेसच्या बंद रूग्णालयात शंभर खाटांचे बाल रूग्णालय सुरू करता येणे शक्य आहे. त्या दृष्टीने प्रशासनाने नियोजन करावे अशी सूचना महापौर सतीश कुलकर्णी यांनी केली आहे.
यासंदर्भात महापौर सतीश कुलकर्णी यांनी पदाधिकारी व अधिकारी यांच्या शुक्रवारी (दि.१४) आय एस पी हॉस्पिटल पाहणी केली.
केंद्र शासनाच्या अधिपत्याखाली असलेल्या इंडिया सेक्युरिटी प्रेस हॉस्पिटल सद्यस्थितीत बंद आहे. रूग्णालयाची इमारत भव्य असून मोकळी जागा देखील भरपूर असल्याने पार्कींगची देखील सोय आहे. कोरोनाची तिसरी संभाव्य लाट बघता इमारतीची रंगरंगोटी, डागडुजी, लिकेज, इलेक्ट्रिक,फायर, ड्रेनेज, ऑक्सीजन लाईन इत्यादींचे कामकाज करावे लागणार असून सदरचे काम येत्या दोन
महिन्यात ही कामे पूर्ण करण्याच्या सूचनाही महापौर सतीश कुलकर्णी यांनी दिल्या.
या पाहणी दौऱ्यात महापौरांसह सभागृहनेते सतीश बापू सोनवणे भारतीय जनता पार्टीचे शहराध्यक्ष श्री गिरीश पालवे स्वीकृत सदस्य श्री प्रशांत जाधव माजी उपमहापौर ॲड.श्री मनीष बस्ते माजी सदस्य तानाजी आप्पा जायभावे कार्यकारी अभियंता श्री धर्माधिकारी उपअभियंता श्री साळी, वैद्यकीय विभागाचे नोडल ऑफिसर डॉ. पलोड यांच्यासह स्थानिक हॉस्पिटलच्या चीफ मेडिकल ऑफिसर सौ गाडेकर व सी. डी. सुमरा आदी उपस्थित होते.
कोट..
कोरानेच्या तिसऱ्या लाटेचा संभाव्य धोका लक्षात घेऊन नविन बिटको हॉस्पिटल येथेही शंभर बेडचे लहान मुलांकरीता रूग्णालय सुरू करण्यात येणार आहे. त्या पाठोपाठ ही आता आएसपी रूग्णालयात देखील रूग्णालय होणार असल्याने आता दोन बाल रूग्णालये सज्ज असतील
- महापौर सतीश कुलकर्णी
-----
छायाचित्र एनएसके एडीटवर फोटो ओळ...कोरोनाच्या संभाव्य तिसऱ्या लाटेची तयारी करण्यासाठी इंडीया सिक्युरीटी प्रेसच्या बंद पडलेल्या रूग्णालयाची पाहणी करताना महापौर सतीश कुलकर्णी. समवेत भा्जप शहराध्यक्ष गिरीश पालवे तसेच सभागृह नेते सतीश सोनवणे आदी.